CHRISTIANFO ASETSENA
Sɛ Wɔsoɛr Tsia Wo A, Ma W’enyi Ngye
Sɛ obi yɛ Christiannyi a, ɔwɔ dɛ ɔhwɛ kwan dɛ obehyia ɔsoɛrtsia. (Joh 15:20) Ɔwɔ mu dɛ sɛ wɔsoɛr tsia hɛn a, yebotum atse yaw wɔ hɛn wer mu na adwendwen so botum ahyɛ hɛn do dze, naaso sɛ yetum gyina ano a, hɛn enyi bɛgye.—Mt 5:10-12; 1Pe 2:19, 20.
HWƐ VIDEO A WƆATO DZIN YEBOTUM EDZI DƐW ƆMMFA HO ƆHAW A YERIHYIA NO, NA YIYI NSƐMBISA A ODZIDZI DO YI ANO:
Ebɛn esuadze na Onua Bazhenov n’asɛm no ma yehu fa mfaso a ɔwɔ dza odzidzi do yi do?
-
Bible a yɛbɛkenkan no da biara.
-
Mboa a yenya fi hɛn nuanom Christianfo hɔ. a
-
Mpaa a yɛbɔbɔ aber nyina.
-
Asafo ndwom a yɛbɔtow.
-
Hɛn gyedzi ho asɛm a yɛbɛka akyerɛ afofor.
a Yebotum abɔ mpaa ama hɛn nuanom Christianfo a wɔda efiadze no, na sɛ yenyim hɔn edzin mpo a, yebotum abobɔ wɔ hɛn mpaabɔ mu. Naaso sɛ epɛ dɛ edze krataa bi kɛma enuanom a wɔtse dɛm a, gyedɛ woara dze mona hɔn; Bethel remmfa nnkɔ mma wo.
