Mpaa a Jehovah gye to mu no tse dɛ eduhuam a oyi nka huanhuam a nna wɔhyew ma no wɔ asɔrfi no mu da biara no. (Nd 141:2) Sɛ yɛbɔ hɛn Egya a ɔwɔ sor no mpaa, na yɛkyerɛ ndzɛmba a ɔayɛ ama hɛn no ho enyisɔ, na yɛka hɛn haw na dza yɛpɛ dɛ ɔyɛ ma hɛn no ho asɛm kyerɛ no, na yɛserɛ no dɛ ɔmma hɛn akwankyerɛ a, nna yɛreda no edzi dɛ anyɛnkofa a yɛnye no wɔ no som bo ma hɛn. Nokwasɛm nye dɛ, Jehovah bu mpaa tsiabaa a yɛbɔ wɔ hɛn asafo nhyiamu ahorow no ase no dɛ no ho hia na ɔka ɔsom a yɛdze ma no no ho. Naaso, sɛ hɛnankasa robɔ mpaa na yefi hɛn akoma mu nye Jehovah kasa kyɛr a, ɔma n’enyi gye!—Mbɛ 15:8.

HWƐ VIDEO A WƆATO DZIN MEMMFA MPAA A MOBƆ NO DABAA NO NNDZI AGOR NO, NA YIYI NSƐMBISA A ODZIDZI DO YI ANO:

• Ebɛn hokwan ahorow na Onua Johnson enya wɔ Jehovah no som mu?

• Ebɛn kwan do na Onua Johnson nam mpaabɔ do dze noho too Jehovah do?

• Ebɛn esuadze na enya efi Onua Johnson n’asɛm yi mu?