Ɔtɔ da a, bi a yɛbɛtse nka dɛ nkorɔfo nnkyerɛ edwumadzen a yɛyɛ ma hɔn no ho enyisɔ na ɔnnkyɛr biara so na hɔn werɛ efir. Na Jehovah so ɛ, ɔtse nka dɛn wɔ ɔsom a yɛdze ma no no ho? Hɛn Nyankopɔn no enyi sɔ mbɔdzen a yɛbɔ dɛ yebefi hɛn akoma mu asom no no na ɔnnyɛ adze a no werɛ befir dabiarada. Sɛ hɛn apɔwmudzen mma yenntum nnyɛ pii ndɛ tse dɛ mbrɛ nna yɛyɛ mber bi a etwa mu no mpo a, Jehovah rinnyi hɛn tokyen da.—Heb 6:10.

HWƐ VIDEO A WƆATO DZIN JEHOVAH NO WERƐ RIMMFIR DA NO, NA YIYI NSƐMBISA A ODZIDZI DO YI ANO:

• Ebɛn ɔsom hokwan ahorow na Onua Hibshman enya wɔ Jehovah no som mu?

• Onua Hibshman ne yer ewu na mpanyinyɛ so ntsi onntum nnyɛ pii. Ebɛnadze na Jehovah ayɛ aboa no?

• Ebɛnadze ntsi na yebotum aka dɛ Jehovah ehyira Onua Hibshman wɔ ber nyina som edwuma a ɔdze noho hyɛɛ mu no mu?—Mbɛ 10:22