Ɔnnyɛ nsɛm a yɛka nkotsee na ɔkyerɛ dɛ yedzi Jehovah nokwar, mbom dza yɛdwen ho so. (Nd 19:14) Ntsi, Bible no tu hɛn fo dɛ yɛndwendwen ndzɛmba a ɔyɛ nokwar, ɔyɛ enyidzi, ɔtsen, no ho tsew, ɔyɛ fɛw, dza ɔwɔ dzin pa, dza ɔbɛma yɛabɔ bra pa, nye ndzɛmba a ɔsɛ ayɛyi ho. (Php 4:8) Nokwasɛm nye dɛ yɛyɛ nyimpa yi ara dze, yɛwɔ hɔ ara adwen bi a ɔmmfata botum aba hɛn tsirmu. Naaso, sɛ yetum hyɛ hɛnho do a, yebotum eyi adwen a ɔtse dɛm efi hɛn tsirmu na yaadwendwen ndzɛmba a no ho tsew ho. Sɛ yɛdwendwen ndzɛmba a no ho tsew ho a, ɔbɔboa hɛn ma yaayɛ dza ɔtsen wɔ Nyankopɔn enyi do na yaakɔ do edzi no nokwar.—Mr 7:​21-23.

Kenkan kyerɛwnsɛm a odzidzi do yi, na kyerɛw adwen a ɔmmfata a ɔsɛ dɛ yekwetsir no hyɛ no mu biara ase:

Ro 12:3

Lu 12:15

Mt 5:28

Php 3:13