CHRISTIANFO ASETSENA
Dza Mebɛyɛ Ama Yaakɔ Do Enya Dzin Pa
Jehovah Adasefo rokɔ a wɔreba nyina, hwɛ ara na nkorɔfo rohwɛ hɔn. (1Co 4:9) Bi a yebebisa hɛnho dɛ, ‘Aso medze me kasaa na me ndzeyɛɛ hyɛ Jehovah enyimnyam?’ (1Pe 2:12) Yɛmmpɛ dɛ yɛbɛyɛ biribi a obogu dzin pa a Jehovah Adasefo dze mfe pii enya no ho fi.—Ɔsɛ 10:1.
Tsebea a odzidzi do yi mu no, kyerɛw mbrɛ ɔsɛ dɛ Christiannyi bi yɛ n’adze nye Bible mu afotusɛm bi a obotum aboa no ma ɔaayɛ dɛm:
-
Aber a obi a ɔnnyɛ Dasefo hyɛ wo ebufuw
-
Aber a wo ntar, wo kar, anaa wo fie ayɛ fi pɔtɔɔ
-
Aber a aban no ne mbra bi kɔ tsia wo anaa ɔyɛ dzen ma wo dɛ ibedzi do
Ebɛn kwan do na enuanom a wɔyɛ nhwehwɛmu wɔ Nsɛnkyerɛw Dwumadzibea no boa ma yenya dzin pa?
HWƐ VIDEO A WƆATO DZIN YƐPƐ DƐ YƐMA NKORƆFO NSA KA NSƐM A ƆYƐ NOKWAR NO, NA YI ASƐMBISA A ODZI DO YI ANO:
Sɛ ehwɛ mbɔdzen a ahyehyɛdze no bɔ dze siesie nsɛm a ɔyɛ nokwar no a, ebɛnadze paa na w’enyi gye ho wɔ ho?
