Jesus kãa “Nyankopɔn ahenman ho nsɛmpa.” (Lu 4:43) Ɔsan so kyerɛɛ nkorɔfo dɛ wɔmbɔ dɛm Ahendzi no ho mpaa. (Mt 6:9, 10) Wɔ November bosoom no mu no, yɛbɔbɔ mbɔdzen soronko bi dze abɔ Nyankopɔn n’Ahendzi no ho dawur. (Mt 24:14) Yɛ wo mber nhyehyɛɛ yie ama eenya dɛm ɔsatu yi mu kyɛfa kɛse. Hɔn a wɔbɔsom dɛ akwampaae aboafo wɔ dɛm bosoom yi mu no botum dze ndɔnhwer 30 anaa 50 ayɛ dɛm.

Kã kyerɛwsɛm bi a ɔfa Nyankopɔn n’Ahendzi no ho asɛm kyerɛ nyimpa dodow no ara a wɔwɔ w’asaasesin no mu. Sɛ erepaw kyerɛwsɛm bi a, ɔyɛ a susu ɔsom a w’etsiefo no wɔ mu no ho. Sɛ obi kyerɛ asɛm no ho enyigye wɔ nserahwɛ a odzi kan no mu a, fa Ɔwɛn-Aban No. 2 2020 ɔmamfo dze no bi ma no. Afei yɛ nhyehyɛɛ na san kɛsera no bio ntsɛmara, na bɔ mbɔdzen fa nwoma bi a ɔwɔ Edwindadze Etsitsir A Yɛdze Kyerɛkyerɛ no mu no hyɛ Bible adzesũa ase. Ɔnnkɛkyɛr biara, Nyankopɔn n’Ahendzi no bɛsɛɛ aban ahorow a wɔsoɛr tsia no no nyina. (Da 2:44; 1Co 15:24, 25) Ntsi hom mma yɛmmfa dɛm ho kwan soronko a yɛdze bɛkyerɛ dɛ yɛtaa Jehovah na n’Ahendzi no ekyir yi ndzi dwuma yie!