CHRISTIANFO ASETSENA
Kɔ Do Fa W’adwen Si Jehovah Do
Sɛ yennya edwuma nnyɛ a, bi a ɔbɛma wɔayɛ dzen dɛ yɛdze Nyankopɔn n’Ahendzi no nye ne tsenenee bedzi kan wɔ hɛn asetsena mu. Bi mpo a iyi botum ama yaakɛyɛ edwuma bi a ɔbɛyɛ dzen ama hɛn dɛ yɛbɔsom Jehovah anaa ɔbɛma yebu Bible mu ngyinadonsɛm do. Naaso yebotum enya awerɛhyɛmu dɛ Jehovah dze n’ahoɔdzen bɔboa “hɔn a hɔn akoma dzi mu wɔ no ho no.” (2Mb 16:9) Biribiara nnyi hɔ a obotum esiw hɛn Egya a ɔwɔ ɔdɔ no kwan dɛ ɔdze mboa a yehia no bɛma hɛn. (Ro 8:32) Dɛm ntsi, sɛ yerisi edwuma a yɛbɛyɛ ho gyinae a, ɔwɔ dɛ yɛdze hɛnho to Jehovah do na yɛkɔ do dze hɛn adwen si ɔsom a yɛdze bɛma no no do.—Nd 16:8.
HWƐ VIDEO A WƆATO DZIN FI WO KRA NYINARA MU YƐ EDWUMA MA JEHOVAH NO, NA YIYI NSƐMBISA A ODZIDZI DO YI ANO:
-
Ebɛnadze ntsi na Jason anngye braeb no?
-
Ebɛn kwan do na Colossaefo 3:23 fa hɛnho?
-
Ebɛn kwan do na Jason no nhwɛdo pa no nyaa Thomas do nkantando?
-
Fa Jehovah dzi kan wɔ wo gyinaesi nye wo ndzeyɛɛ mu
Ebɛn kwan do na Matthew 6:22 fa hɛnho?
