Wɔ November bosoom no mu no, yɛbɔbɔ mbɔdzen soronko bi dze akã asɛmpa a ɔnye dɛ wiadze papabi abɛn no akyerɛ afofor. (Nd 37:10, 11; Ny 21:3-5) Yɛ wo mber nhyehyɛɛ yie ama eenya dɛm ɔsatu yi mu kyɛfa kɛse. Sɛ epɛ dɛ esom dɛ akwampaae boafo wɔ dɛm bosoom yi mu a, ibotum dze ndɔnhwer 30 anaa 50 ayɛ dɛm.

Siesie woho dɛ ebɛkã kyerɛwsɛm bi a ɔfa wiadze fofor no ho asɛm akyerɛ nyimpa dodow no ara. Sɛ erepaw kyerɛwsɛm bi a, ɔyɛ a susu nsɛm a hɔn a wɔwɔ w’asaasesin no mu no enyi bɛgye ho no ho. Sɛ obi kyerɛ asɛm no ho enyigye wɔ nserahwɛ a odzi kan no mu a, fa Ɔwɛn-Aban No. 2 2021 ɔmamfo dze no bi ma no. Afei yɛ nhyehyɛɛ na san kɛsera no bio ntsɛmara, na bɔ mbɔdzen fa Ibotum Enya Enyigye Daa! nwomaba no hyɛ Bible adzesũa ase. Hwɛ enyigye ara a ɔbɛyɛ dɛ yebenya “papa ho nsɛmpa” a yɛbɛkã akyerɛ afofor no mu kyɛfa kɛsenara!​—Isa 52:7.

HWƐ NDWOM A OMMFI HƐN NDWOM NWOMA MU A WƆATO DZIN WIADZE FOFOR NO MU VIDEO NO, NA YIYI NSƐMBISA A ODZIDZI DO YI ANO:

• Nna ebɛn daakye a ɔyɛ enyigye na basiaba no rodwendwen ho?

• Ebɛn adze na erohwɛ kwan paa wɔ wiadze fofor no mu?

• Sɛ edwendwen daakye ho enyidado a ewɔ no ho a, obesi dɛn aboa wo ma eenya kyɛfa kɛse wɔ November ɔsatu no mu?​—Lu 6:45