Sɛ mbirikatunyi bi bɔkɔ do etu mbirika yie a, ɔwɔ dɛ ɔkɔ do tsentsen n’apɔw mu. Dɛmara so na ɔwɔ dɛ aber biara yɛbɔ mbɔdzen sũa ndzɛmba a yegyina do si gyinae no ho adze yie ama yaakɔ do esi gyinae pa. (Heb 5:14) Bi a hɛn adwen botum ayɛ hɛn dɛ yebotum edzi afofor ekyir na yaayɛ dza wɔreyɛ no bi, naaso ɔwɔ dɛ yɛdze hɛnankasa hɛn adwen yɛ edwuma yie na yɛdze sisi gyinae ma hɛnho. Ebɛnadze ntsi a? Osiandɛ hɛn mu biara bobu gyinae ahorow a osisi no ho akontaa.​—Ro 14:12.

Onnyi dɛ yenya adwen dɛ, osiandɛ wonumaa hɛn akyɛr ntsi, yebesi gyinae pa aber biara. Sɛ yebotum esisi gyinae a nyansa wɔ mu a, ohia dɛ yɛdze hɛnho nyinara to Jehovah, n’Asɛm no nye n’ahyehyɛdze no do.​—Jos 1:7, 8; Mbɛ 3:5, 6; Mt 24:45.

HWƐ VIDEO A WƆATO DZIN “KURA TSIBOWA PA MU” NO, NA YIYI NSƐMBISA A ODZIDZI DO YI ANO:

• Nna ebɛn gyinae na ɔwɔ dɛ Emma si?

• Ɔdzefa nsɛm a ɔwɔ dɛ obiara gyina ne tsibowa do dze si ho gyinae ho no, ebɛnadze ntsi na onnyi dɛ yɛdze mbrɛ yɛtse nka wɔ dɛm nsɛm no ho no hyɛ afofor do?

• Ebɛn afotu pa na awarfo bi dze maa Emma?

• Henfa na Emma nyaa nsɛm a ɔboaa no ma osii gyinae pa?