TU MPON WƆ ASƐNKA EDWUMA NO MU | NYA ENYIGYE KƐSE WƆ ASƐNKA EDWUMA NO MU
Fa Edwindadze Ahorow A Yɛdze Yɛ Nhwehwɛmu No Dzi Dwuma
Jehovah ma hɛn edwindadze ahorow a ɔboa hɛn ma yetum kyerɛkyerɛ yie. Bi nye video ahorow, nkrataaba, magazine ahorow, nwomaba, nwoma, nye hɛn edwindadze tsitsir, Bible no. (2Ti 3:16) Ɔsan so ma hɛn edwindadze ahorow a yɛdze yɛ nhwehwɛmu a ɔboa hɛn ma yetum kyerɛkyerɛ Kyerɛwnsɛm no mu. Iyi mu bi nye Watchtower Library, JW Library® app, Ɔweɔn-Aban INTANƐT DO NWOMAKORABEA™, na Nhoma a Yehowa Adansefo De Yɛ Nhwehwɛmu.
Sɛ edze edwindadze ahorow a yɛdze yɛ nhwehwɛmu kɔ ekyir wɔ Bible mu a ewɔ no dzi dwuma a, ɔbɛma w’enyiwa agye. Hwɛ hu dɛ ebɛkyerɛ wo Bible esuafo ma woeehu mbrɛ wɔdze dɛm edwindadze ahorow yi bedzi dwuma, na iyi bɛma wɔdze enyigye ahwehwɛ Bible mu nsɛmbisa a wɔwɔ no ho mbuae.
HWƐ VIDEO A WƆATO DZIN NYA DƐW A ƆWƆ ESUAFOYƐ EDWUMA MU NO BI—FA MBOA A JEHOVAH DZE MA NO DZI DWUMA—FA EDWINDADZE AHOROW A YƐDZE YƐ NHWEHWƐMU NO DZI DWUMA NO, NA YIYI NSƐMBISA A ODZIDZI DO YI ANO:
-
Ebɛn asɛm na Sandy kãa faa adzebɔ ho a ɔma yehu dɛ ɔnngye adzebɔ nndzi?
-
Henfa na Neeta kɛyɛɛ asɛm no ho nhwehwɛmu?
-
Sɛ yesũa Bible mu nokwasɛm na yɛdze kyerɛkyerɛ afofor a, ɔma hɛn enyiwa gye
Osii dɛn paaw nsɛm a nna ɔbɔboa Sandy?
-
Ebɛn mfaso na Neeta nyae fii hɛn edwindadze ahorow a yɛdze yɛ nhwehwɛmu no mu?
