Sɛ hɛn dɔfo bi wu a, owusoɛr ho enyidado a yɛwɔ no kyekye hɛn werɛ. Ɔmmfa ho dɛm enyidado a yɛwɔ yi nyina ekyir no, bɔn na owu ayɛ dɛ biribi a ɔkata hɛn do a wɔama yɛretseetsee. (Isa 25:7, 8) Iyi ka ho bi na ‘abɔdze nyina nye hɛn repen,’ na yeruhu amandze no. (Ro 8:22) Sɛ hɛn dɔfo bi wu a, yebesi dɛn egyina awerɛhow a yedzi no ano kesi dɛ wobenyan no? Afotu wɔ Nyankopɔn n’Asɛm no mu a obotum aboa hɛn.

HWƐ VIDEO A WƆATO DZIN DZA ƆBƆBOA WO ABER A WO DƆFO BI EWU NO, NA YIYI NSƐMBISA A ODZIDZI DO YI ANO:

• Ebɛn asɛm na ɔtoo Danielle nye Masahiro na Yoshimi?

• Ebɛn nyansahyɛ enum na ɔboaa hɔn?

• Woana nye ɔwerɛkyekyefo a ɔkyɛn biara?​—2Co 1:3, 4.