Nsɛndzendzen ahyɛ nda a odzi ekyir yi mu ma, na no mu bɔkɔ do ara ayɛ dzen aber a yɛrebɛn wiadze bɔn yi n’ewiei no. Ɔtɔ da a, bi a hɛn nsa rennka ndzɛmba bi a yehia. (Hab 3:16-18) Ebɛnadze na ɔbɔboa hɛn ma yeetum dze ahotodo egyina sikasɛm mu ahokyer ano? Ɔwɔ dɛ yɛkɔ do dze hɛnho to hɛn Nyankopɔn, Jehovah do. Ɔabɔ anohoba dɛ ɔbɔhwɛ n’asomfo, na obotum ama hɛn nsa aka dza yehia ɔmmfa ho nsɛndzendzen biara a yehyia no.​—Nd 37:18, 19; Heb 13:5, 6.

Dza ibotum ayɛ:

• Serɛ Jehovah dɛ ɔmma wo akwankyerɛ, nyansa, na ahoɔdzen.​—Nd 62:8

• Yɛ krado dɛ ebɛyɛ edwuma bi a ɔba famu a bi mpo a ennyɛɛ bi da no.​—g-E 1/10 8-9, ndakaba

• Kenkan Bible no da biara da, kɔ asafo nhyiamu, na fa woho hyɛ asɛnka edwuma no mu. Sɛ eyɛ dɛm a nna erehyɛ ebusuabɔ a enye Jehovah wɔ no mu dzen

HWƐ VIDEO A WƆATO DZIN SI OFIE A OBETSIM​—MA WO ‘BO NDWE DZA EWƆ NO ARA’ NO, NA YIYI NSƐMBISA A ODZIDZI DO YI ANO:

• Ebɛn nsɛndzendzen na mbusua binom ehyia?

• Ebɛnadze na no ho hia paa wɔ asetsena mu?

• Yebesi aboa hɛn nuanom a wɔyɛ ehiafo no?