Nyimpa a wosisi nkorɔfo no botum epira hɛn, na wobotum ayɛ adze ma wɔayɛ hɛn yaw. Afei so, sɛ wɔkasa tsia hɛn som na sɛ yɛannka enntsim a, obotum mpo asɛɛ ebusuabɔ a yɛnye Jehovah wɔ no. Ntsi sɛ obi pɛ dɛ osisi hɛn a, yebesi dɛn abɔ hɛnho ban?

Jehovah n’asomfo pii etum egyina nsisi ano osiandɛ wɔdze hɔnho too Jehovah do ntsi. (Nd 18:17) Dɛ nhwɛdo no, Esther dze akokodur kaa pɔw bɔn bi a nna osisifo Haman abɔ no ho asɛm ma noho daa hɔ. (Es 7:​1-6) Ansaana Esther reyɛ dɛm no, odzii mbuada dze kyerɛ dɛ ɔdze noho ato Jehovah do. (Es 4:​14-16) Jehovah hyiraa dza Esther yɛe no do, na ɔgyee ɔno nye Jewfo no nyina nkwa.

Hɛn nuanom mbofra na mbabun, sɛ obi risisi hom a, hom nserɛ Jehovah ma ɔmboa hom. Ɔno da nkyɛn a, hom nye hom awofo anaa Christiannyi bi a n’enyi efir mbɔ ho nkɔmbɔ. Sɛ hom yɛ dɛm a, hom botum enya awerɛhyɛmu dɛ Jehovah bɔboa hom ma hom eegyina tsebea a ɔtse dɛm ano, dɛ mbrɛ ɔboaa Esther no. Ebɛnadze bio na hom botum ayɛ aber a obi risisi hom no?

HWƐ VIDEO A WƆATO DZIN ME MBABUN BER MU—SƐ OBI RISISI ME A, MEBƐYƐ M’ADZE DƐN? NO, NA YIYI NSƐMBISA A ODZIDZI DO YI ANO:

• Ebɛnadze na mbofra nye mbabun botum esua efi Charlie na Ferin hɔn asɛm yi mu?

  Wo mbuae

• Dza Charlie na Ferin hɔn awofo yɛe dze boaa hɔn aber a nna worisisi hɔn no no, ebɛnadze na awofo so botum esua efi mu?

  Wo mbuae