Ɔkenkamfo

Adzesua nsɛm enum na ɔwɔ dɛm Ɔweɔn-Aban yi mu. Dɛm adzesua nsɛm yi bɔboa hɛn ma yeenya nsɛmbisa yi ho mbuae:

• Odzi kan, ebɛn nhyehyɛɛ na Jehovah dze egu akwan mu dze aboa nyimpa ama yeetum ako etsia bɔn?

• Otsia ebien, ebɛn kwan do na Jehovah aboa hɛn ma yeehu dza nnuho kyerɛ ankasa, na osi dɛn boa ndzebɔnyɛfo ma wonu hɔn ho?

• Otsia ebiasa, ɔbarimba bi a nna ɔwɔ Corinth asafo no mu a ɔyɛɛ bɔn a no mu yɛ dur bi naaso oennu noho no, ebɛn kwan do na Jehovah boaa asafo no ma wodzii asɛm no ho dwuma?

• Otsia anan, ndɛ sɛ obi yɛ bɔn a no mu yɛ dur bi a, ebɛn kwan na asafo mu mpanyimfo fa do dzi ho dwuma?

• Otsia enum, sɛ obi yɛ bɔn a no mu yɛ dur bi na oennu noho ma woyi no fi asafo no mu a, ebɛnadze na enuanom botum ayɛ dze ada ɔdɔ nye ehumbɔbɔr edzi akyerɛ no?