Kenkan Atsɛmbuafo 11:​30-40 na sua biribi fi mbrɛ Jephthah na ne babaa no sii dzii bɔ a wɔhyɛɛ Jehovah no do.

Susu asɛm a nna woesi dada no ho. Nna Israelfo a wodzi Jehovah nokwar no bu bɔ ahorow a wɔdze ahyɛ no no dɛn? (Nka. 30:2) Ebɛnadze na Jephthah na ne babaa no yɛe dze kyerɛɛ dɛ nna wɔgye Jehovah dzi paa?—Atsɛ. 11:​9-11, 19-24, 36.

Hwehwɛ mu kɔ ekyir. Aber a Jephthah hyɛɛ Jehovah bɔ no, ɔbɛyɛ dɛ nna ebɛn adwen na ɔwɔ ne tsirmu? (w16.04-TW 7 ¶12) Nna ebɛnadze na ɔsɛ dɛ Jephthah na ne babaa no dze bɔ afɔr ama woeetum edzi bɔ a Jephthah dze hyɛɛ Jehovah no do? (w16.04-TW 7-8 ¶14-16) Ebɛn bɔ ahorow na Christianfo botum ahyɛ no ndɛ?—w17.04-TW 5-8 ¶10-19.

Dwendwen esuadze a ɔwɔ mu no ho. Bisa woho dɛ:

• ‘Bɔ a mahyɛ Jehovah dɛ mobɔsom no daa no, ebɛnadze na obotum aboa me ma meedzi do?’ (w20.03 13 ¶20)

• ‘Ebɛnadze na mubotum dze abɔ afɔr ama meetum asom Jehovah yie?’

• ‘Bɔ a mahyɛ dɛ mibedzi mo kun anaa me yer nokwar no, mibesi dɛn edzi do?’ (Matt. 19:​5, 6; Eph. 5:​28-33)