BIRIBI A IBOTUM ESUA HO ADZE
Da Akokodur Edzi Na Yɛ Dza Ɔtsen Aber Mpo A Wɔrosoɛr Etsia Wo No
Kenkan Jeremiah 38:1-13 na hwɛ dza ibotum esua efi akokodur a nkɔnhyɛnyi Jeremiah na ahemfie panyin Ebed-melech daa no edzi no mu.
Susu asɛm a nna woesi dada no ho. Ebɛnadze na Jeremiah yɛe dze kyerɛɛ dɛ ɔwɔ akokodur aber a nna ɔreka asɛm a Jehovah dze somaa no no? (Jer. 27:12-14; 28:15-17; 37:6-10) Nkorɔfo no tsee asɛm no, wɔyɛɛ hɔn adze dɛn?—Jer. 37:15, 16.
Hwehwɛ mu kɔ ekyir. Ebɛnadze na wɔhyɛɛ Jeremiah dɛ ɔnyɛ? (jr-TW 26-27 ¶20-22) Ibotum esua bura ahorow a nna wotu no tsetse no ho adze pii. (it-E 1 471) Aber a wɔnye Jeremiah kɔtoo bura a nna atɛkyɛ wɔ mu no mu no, bi a ɔtsee nka dɛn? Nna ɔbɛyɛ dɛ ebɛnadze na Ebed-melech suro?—w12-TW 5/1 31 ¶2-3.
Dwendwen esuadze a ɔwɔ mu no ho. Bisa woho dɛ:
-
‘Ebɛnadze na dɛm asɛm yi ma muhu fa mbrɛ Jehovah si bɔ n’asomfo anokwafo ho ban no ho?’ (Ndw. 97:10; Jer. 39:15-18)
-
‘Ebɛn nsɛm na obotum esisi a obehia dɛ meda akokodur edzi?’
-
‘Mibesi dɛn akɔ do ada akokodur edzi na maayɛ dza ɔtsen aber a wɔrehyɛ me dɛ menyɛ bɔn no?’ (w11-E 3/1 30) a
a Sɛ epɛ ndzɛmba ahorow bi a ibotum esua ho adze a, hwɛ “Nyansahyɛ A Obotum Aboa Wo Ma Eesua Adze” a ɔwɔ July 2023 Ɔweɔn-Aban no mu no.
