Ɔyɛ dzen ma hɛn mu pii dɛ yɛbɛkaa dza yesua no, na bi a ɔyɛ dzen ma woara so. Naaso ahyɛ no nsew dɛ ɔnnyɛ dzen dɛ yɛbɛkaa mfatoho ahorow a Jesus yɛe no a? Yetum twa mfatoho ahorow no ho mfonyin wɔ hɛn adwen mu, na iyi boa hɛn ma yɛkaa. Dɛmara so na sɛ irusua adze na itwa ho mfonyin wɔ w’adwen mu a, obotum aboa wo ma akaa dza esua no. Ibesi dɛn ayɛ dɛm? Dza ibotum ayɛ nye dɛ ebɔdorɔw dza irusua no ho mfonyin.

Nkorɔfo a wɔdorɔw ndzɛmba afofor a woesua no ho mfonyin no taa kaa dza woesua no yie. Dɛm nkorɔfo yi ebohu dɛ sɛ wɔyɛ dɛm a, ɔnnyɛ nkasafua no nkotsee na wɔkaa mbom wɔkaa nsɛntsitsir no so. Na mbrɛ ɔtse nye dɛ, wɔnndorɔw mfonyin kuntann. Nhwehwɛmu kyerɛ dɛ, sɛ hɔn a hɔn mfe akɔ enyim no sua biribi na wɔdorɔw dza woesua no ho mfonyin a, ɔboa hɔn ma wɔkaa paa.

Ntsi ber fofor a ibosua adze no, ɔyɛ a bɔ mbɔdzen dɛ ebɔdorɔw dza esua no ho mfonyin. Eyɛ dɛm a, ebɛkaa dza esua no ma wɔaayɛ wo nwanwa!