Nyansahyɛ A Obotum Aboa Wo Ma Eesua Adze
Irinya Kyerɛwnsɛm ahorow a wɔakyerɛkyerɛ mu wɔ Buukuu A Jehovah Adasefo Dze Yɛ Nhwehwɛmu mu no do mfaso anaa?
Nkyerɛkyerɛmu ahorow a ɔwɔ buukuu yi mu no botum aboa wo ma aahwehwɛ Nyankopɔn n’Asɛm no mu akɔ ekyir. Ibi fa nsɛm bi a osisii aber a nna wɔrekyerɛw Bible mu asɛm bi ho. Bi so yɛ siantsir a wɔkyerɛɛw asɛm bi, hɔn a asɛm no fa hɔnho, anaa nkasafua na nsɛmfua bi ne nkyerɛasee.
Sɛ ibue kyerɛwsɛm bi wɔ JW Library® do, anaa ekɔ Ɔweɔn-Aban INTANƐT DO NWOMAKORABEA™ do wɔ kasa ahorow bi mu a, wo nsa botum aka dɛm kyerɛwsɛm no ho nkyerɛkyerɛmu wɔ Nhwehwɛmu Nwoma no mu. Bible biara a ɔwɔ dɛm edwindadze ebien yi do no, ibohu kyerɛwsɛm ahorow no ho nkyerɛkyerɛmu wɔ do.
Sɛ erekenkan nwoma a wɔatwe adwen esi do no a, ɔyɛ a hwɛ ne date. Osiandɛ wɔdze nsɛm a wɔaba fofor no to sor, na wɔdze dza wɔaba dada no toa do wɔ n’ase. Nsɛm a ɔtoa do wɔ ase hɔ no mu bi yɛ ntseasee ahorow bi a nna nkan no yɛwɔ.
Sɛ ekɔ Ɔweɔn-Aban INTANƐT DO NWOMAKORABEA do a, no ho nnhia dɛ etwe Nhwehwɛmu Nwoma no ansaana enya nwoma ahorow a ɔkyerɛkyerɛ kyerɛwsɛm bi mu no.
Naaso, wɔ JW Library do no, ɔsɛ dɛ etwe Nhwehwɛmu Nwoma no ansaana wo nsa aka nkyerɛkyerɛmu ahorow no nye nsesa ahorow a ɔyɛ a wɔyɛ no. Sɛ epɛ dɛ etwe bi a, kɔ “Library” na kɔ “Index” na twe Nhwehwɛmu Nwoma fofor a wɔaba no bi.
