Ɔnnyɛ asafo nhyiamu, ɔmansin nye ɔmantɔw ehyiadzi ase nkotsee na yɛnye afofor hyia mu bɔ mu som Jehovah. Mbom yɛsom no aber a hɛnankasa rusua adze anaa aber a yɛnye hɛn ebusua abɔ mu reyɛ ebusua som no. Yebotum esusu dza odzidzi do yi ho aber a yerusua adze anaa yɛreyɛ ebusua som:

• Hom nsua dza yebosua wɔ asafo nhyiamu ase no. Hom botum esua ndwom a yɛbɔtow wɔ asafo nhyiamu ase no tow. Afei so, hom botum aboa ebusua no munyi biara ma woeesiesie mbuae a ɔbɛma.

• Hom botum akenkan Bible mu asɛm bi. Sɛ hom wie a, hom botum adorɔw asɛm bi a osii wɔ dza hom kenkanee no mu anaa wɔakyerɛw biribi a hom suae no ato hɔ.

• Hom botum akenkan mpaa bi a ɔwɔ Bible mu, na hom esusu mbrɛ obesi aboa hom ma hom eetu mpon wɔ hom mpaabɔ mu no ho.

• Hom nhwɛ asafo video bi wɔ jw.org do. Hom wie a, hom botum nye afofor abɔ ho nkɔmbɔ anaa hom botum akyerɛw dza hom enyi gyee ho anaa hom suae fii mu no.

• Hom botum esua dza hom botum aka wɔ asɛnka mu. Hom wie a, hom mu kor botum ayɛ fiewura na hom abobɔ dza hom esua no do.

• Hom botum ahwɛ ndzɛmba a Jehovah abɔ. Afei, dza ɔma hom sua fa Jehovah ho no, hom botum esusu ho anaa hom abɔ ho nkɔmbɔ. a