ƆWEƆN-ABAN—DZA ADZESUA NSƐM WƆ MU June 2020
Adzesua nsɛm a yebosũa August 3-30, 2020.
“Wo Dzin Ho Ntsew”
Adzesua asɛm 23: August 3-9, 2020. Ebɛn asɛm na no ho hia a ɔda nyimpa na abɔfo hɔn enyim? Ebɛnadze ntsi na ɔyɛ asɛm a no ho hia kɛse, na ebɛn kwan do na ɔfa hɛnho? Sɛ yenya dɛm nsɛmbisa yi nye nsɛmbisa afofor a ɔka ho no ho mbuae a, ɔbɔboa hɛn ma yaahyɛ ebusuabɔ a yɛnye Jehovah wɔ no mu dzen.
“Kã M’akoma Bɔ Mu Ma Onsuro Wo Dzin”
Adzesua asɛm 24: August 10-16, 2020. Adzesua yi mu no, yɛbɔhwɛ asɛm a Ɔhen David kãe wɔ mpaabɔ mu kyerɛɛ Nyankopɔn a wɔayɛ ho kyerɛwtohɔ wɔ Ndwom 86:11, 12. Sɛ wɔkã dɛ yensuro Jehovah ne dzin a, ɔkyerɛ dɛn? Ebɛnadze ntsi na ɔwɔ dɛ yenya obu a no mu dɔ ma dzin kɛse a ɔtse dɛm? Sɛ yɛwɔ Nyankopɔn ho suro a, ebɛn kwan do na iyi bɛma yekwetsir dɛ yɛbɛyɛ dza ɔnntsen ber a wɔasɔ hɛn ahwɛ no?
Nsɛm A Akenkamfo Bisa
Sɛ yɛhwɛ su ahorow a wɔakã ho asɛm wɔ Galatiafo 5:22, 23 no a, aso dɛm su ahorow no nkotsee na ɔyɛ “sunsum no aba”?
“Marankasa, Mobɔhwehwɛ Mo Nguan”
Adzesua asɛm 25: August 17-23, 2020. Ebɛnadze ntsi na nyimpa binom a wɔdze nokwardzi asom Jehovah mfe pii no gyaa dɛ wɔbɔsom Jehovah? Nyankopɔn tse nka dɛn wɔ hɔnho? Yebenya nsɛmbisa yi ho mbuae wɔ adzesua yi mu. Afei so, yebohu dɛ, Bible mber mu no, nyimpa binom twee hɔnho fii Jehovah ho kakra. Yɛbɔhwɛ dza yebotum esũa efi mbrɛ Jehovah sii boaa hɔn no mu.
“Hom Nsan Mbra Me Nkyɛn”
Adzesua asɛm 26: August 24-30, 2020. Hɔn a woegyaa asafo nhyiamu na asɛnka kɔ no, Jehovah pɛ dɛ wɔsan ba ne nkyɛn. Jehovah se, “Hom nsan mbra me nkyɛn.” Hɔn a wɔpɛ dɛ wɔgye Jehovah ne nsatofrɛ yi to mu no, yebotum ayɛ pii dze ahyɛ hɔn nkuran. Adzesua yi mu no, yɛbɔhwɛ mbrɛ yebesi aboa hɔn ma wɔaayɛ dɛm.
