Adawurbɔfo pii wɔ hɔ a, JW Library^® no na wɔdze sua adze ansaana wɔakɔ asafo nhyiamu. Adze kor a hɔn enyi gye ho wɔ app no ho nye dɛ, otum boa hɔn ma wohu adzesua asɛm a yebosusu ho wɔ Ɔweɔn-Aban no ase a wɔmmberɛ ho. Naaso, ɔnnyɛ adzesua nsɛm no nkotsee na ɔwɔ Ɔweɔn-Aban no mu, mbom nsɛm afofor a obotum aboa hɛn paa so wɔ mu. Sɛ ibue JW Library no a, henfa na ibenya dɛm nsɛm afofor yi?

• Sɛ ibue adzesua asɛm biara a yebosusu ho no, na ehwɛ n’ase hɔ paa a, ibohu dɛ wɔakyerɛw asɛm “Additional Reading” wɔ hɔ. Afei bɔ asɛm “Other articles in this issue” a ɔwɔ dɛm asɛm no n’ase no do. Ibohu nsɛm a ɔwɔ Ɔweɔn-Aban no mu nyina. Dza ɔyɛ adzesua asɛm no, ibohu dɛ wɔakyerɛw adzesua asɛm no no nɔmba wɔ no sor. Afei, nsɛm afofor a ɔnnyɛ adzesua asɛm no, bɔ no mu dza epɛ dɛ ekenkan no do.

• Ibotum atwe Ɔweɔn-Aban fofor biara a ɔbɛba JW Library app no do no wɔ “What’s New” ɔfa hɔ. Sɛ ibue dza atwe no a, fa w’enyi hwɛ nsɛntsir a ɔwɔ mu no nyina mu, na bɔ mbɔdzen kenkan na ɔbɔboa wo.