Kenkan Genesis 37:​23-28; 39:17–23 na sua biribi fi mbrɛ Joseph miaa n’enyi gyinaa atsɛnkyew ano no mu.

Susu asɛm a nna woesi dada nye dza ekyir yi osii no ho. Ebɛnadze ntsi na nkorɔfo nye Joseph enndzi no yie? (Gen. 37:​3-11; 39:​1, 6-10) Ber tsentsen ahen na Joseph dze gyinaa atsɛnkyew ano? (Gen. 37:2; 41:46) Dɛm mber no mu no, ebɛnadze na Jehovah yɛe maa Joseph, na ebɛnadze na ɔannyɛ amma no?—Gen. 39:​2, 21; w23.01 17 ¶13.

Pɛnsapɛnsa mu kɔ ekyir. Bible no nnka dɛ Joseph kaa asɛm bi dze kyerɛɛ dɛ asɛm a Potiphar ne yer twae too no do no nnyɛ nokwar. Kyerɛwnsɛm a odzidzi do yi besi dɛn aboa hɛn ma yaadwendwen siantsir a ɔbɛyɛ dɛ Joseph annka hwee, anaa siantsir a ɔnnsɛ dɛ yɛhwɛ kwan dɛ yebohu nokwar a ɔwɔ asɛm no mu no nyinara no ho? (Mbɛ. 20:2; John 21:25; Andw. 21:37) Ebɛn su ahorow na ɔbɛyɛ dɛ ɔboaa Joseph ma otumii miaa n’enyi gyinaa atsɛnkyew ano?—Mic. 7:7; Luke 14:11; Jas. 1:​2, 3.

Ebɛnadze na esua efi mu? Bisa woho dɛ:

• ‘Osiandɛ meyɛ Jesus no suanyi ntsi, ebɛn atsɛnkyew na mubotum ahwɛ kwan dɛ mibehyia?’ (Luke 21:​12, 16, 17; Heb. 10:​33, 34)

• ‘Mibesi dɛn ada moho do ama sɛ wɔnye me enndzi no yie a meetum egyina ano?’ (Ndw. 62:​7, 8; 105:​17-19; w19.07-TW 2-7)