Nyansahyɛ A Ɔbɔboa Wo Ma Aayɛ Nhwehwɛmu
Ndzɛmba A Mbofra Botum Dze Esua Adze
Awofo wɔ asodzi kɛse dɛ wɔbɛkyerɛkyerɛ hɔn mba Jehovah ho adze. (Eph. 6:4) Jehovah n’ahyehyɛdze no ayɛ video na ndwom ahorow. Afei so, wɔakyerɛw nsɛm pii a ɔbɔboa awofo ma woeetum ayɛ dɛm. Ibesi dɛn dze dɛm ndzɛmba yi akyerɛkyerɛ wo mba?
Hwehwɛ dza obotum aboa wo. JW.ORG wɛbsaet no do no, ibenya nsɛm pii a woesiesie ama mbofra. Nsɛm no bi yɛ video nye dza mbofra no botum dze asɔ hɔn adwen ahwɛ. a Sɛ ibohu nsɛm a ɔtsetse dɛm a, bɔ “Mbofra” anaa “Mbabun” hyɛ ɔfa a wɔdze hwehwɛ adze no.
Hwehwɛ dza obotum aboa wo ba no. Nsɛm a ɔwɔ ɔfa a wɔato dzin “Mbofra” no botum aboa wo ma apaw dwumadzi ahorow bi a ɔbɔboa wo ba no. Sɛ ibotum ehu dɛm nsɛm yi a, hwɛ “Ebusua Som Mu Dwumadzi Ahorow.”
Gye ber na enye wo mba no nsusu nsɛm no ho. Mma nngyaa video anaa nsɛm a woetsintsim no mma wo mba no na ɔwo so nnkɛyɛ adze fofor. Mbom no, enye hɔn nsusu nsɛm a ɔwɔ mu no ho na boa hɔn ma wɔnye Jehovah nnya anyɛnkofa.
a Seseiara, ibenya video ahorow nyina a woesiesie ama mbabun wɔ JW Library® wɔ Borɔfo kasa mu, naaso dza mbofra no botum dze asɔ hɔn adwen ahwɛ no dze ɔnndɔɔ so wɔ do.
