Ɔko a ɔrokɔ do wɔ Ukraine nye wimu tsebea a ɔresɛɛ no ama dzen ara na edziban ho reyɛ dzen wɔ wiadze yi mu beebiara. Sɛ yɛkɔ aman a hɔn sikasɛm nnyɛ mu a, ɔno mpo dze, nna asɛm no asɛɛ koraa, osiandɛ wɔ hɔ no, ɔyɛ dzen ma nyimpa piinara dɛ wobenya edziban edzi.

•   “Wimu tsebea a ɔresɛɛ, enyinam kandzea, petrol a no bo reyɛ dzen nye ndzɛmba afofor a ɔrokɔ do no ama edziban a ekuafo nya no akɔ famu koraa.”​—António Guterres, UN secretary-general, July 17, 2023.

•   “Nyimdzefo binom ka dɛ, gyae a Russia egyaa dɛ wɔroboa Ukraine ma wɔdze edziban ekodu aman afofor do asomdwee mu no bɛma edziban ho ayɛ dzen kɛse akyɛn ma yehu yi mpo. Na osian dza ɔrokɔ do no ntsi, aman a hɔn sikasɛm nnyɛ, tse dɛ North Africa na Middle East mpo dze, ndzɛmba no bo bɛyɛ dzen paa wɔ hɔ”​—Atalayar.com, July 23, 2023.

 Ɔwodze, hwɛ dza Bible no ka fa edziban kɔm nye dza Nyankopɔn aka ato hɔ dɛ ɔbɛyɛ ama hɛn daakye no ho.

•   Jesus hyɛɛ nkɔm dɛ: “Ɔman bɔsoɛr ɔman do, na ahenman bɔsoɛr ahenman do; na ɔkɔm so bɛba.”​—Matthew 24:7.

•   Nyikyerɛ nwoma no ka nkorɔfo baanan bi a wɔtsetse mpɔnkɔ do ho asɛm wɔ asɛnkyerɛdze kwan do. Nna hɔn mu kor gyina hɔ ma akokoeko. Na dza odzi n’ekyir no so gyina hɔ ma ɔkɔm, kyerɛ dɛ mber bi bɛba a edziban ho bɛyɛ na, na no bo so bɛyɛ dzen. ‘Na mohwɛe, na hwɛ, ɔpɔnkɔ tuntum, na nyia ɔtse no do no kura nsɛn wɔ ne nsamu. Na metsee ndze bi dɛ ɔse, ewifua esusudze denare, na atoko esusudze ebiasa denare, na wenyin nye ngo no dze, mma nnka’.​—Nyikyerɛ 6:5, 6.

  Bible nkɔnhyɛ a ɔno nye dɛ edziban kɔm bɛba no, yehu dɛ aba mu wɔ hɛn ber yi do, na Bible no frɛ hɛn ber yi “nda a odzi ekyir.” (2 Timothy 3:1) Sɛ epɛ “nda a odzi ekyir no” nye nkorɔfo baanan a wɔtsetse mpɔnkɔ do no ho nsɛm pii a, hwɛ video a wɔato dzin Ofi 1914 reba no, wiadze no asesa na ibotum so akenkan asɛm a wɔato dzin “The Four Horsemen​—Who Are They?”

•   Afotusɛm pii wɔ Bible no mu a obotum aboa hɛn ma yeegyina tsebea a no mu yɛ dzen tse dɛ edziban a no bo reyɛ dzen nye edziban kɔm ano. Ibenya iyi ho nsɛm wɔ asɛm a wɔato dzin “Mbrɛ Ibesi Dze Wo Sika Kakraba A Inya No Edzi Dwuma Yie.”

•   Bible no san ma hɛn awerɛhyɛmu dɛ, ɔnnkɛkyɛr ndzɛmba bɛyɛ yie. Bible no hyɛ bɔ dɛ daakye ‘eburow piigyan bɛba mbepɔw etsifi asaase no do’ na obiara benya edziban edzi amee. (Ndwom 72:16) Sɛ epɛ daakye ho enyidado a Bible no ka ho asɛm nye siantsir a ibotum agye edzi no ho nsɛm pii a, kenkan asɛm a wɔato dzin “A Real Hope for a Better Tomorrow.”