Nyimpa pii tse nka dɛ, ɔhaw a wɔrehyia wɔ wiadze yi mu no rommbɔ adze wɔ afe 2024 mu. Naaso, yebotum ahwɛ daakye papa kwan. Yebesi dɛn ayɛ dɛm?

 Bible no ma yehu dɛ, Nyankopɔn besiesie ɔhaw a ɔma yɛtse nka dɛ hɛn enyidado asa no. Ɔnnkɛkyɛr, Nyankopɔn ‘bɛpepa hɛn enyiwa mu nyinsuwa nyina; na owu nnyi hɔ bio; na awerɛhow, nye sũ, nye yaw bi nnyi hɔ bio.’​—Nyikyerɛ 21:4.

•   Bible no ma yehu dɛ, yebotum ahwɛ daakye papa kwan. Kenkan asɛm a wɔato dzin “A Real Hope for a Better Tomorrow.”

 Bible no ma hɛn enyidado nsɛm a obotum aboa hɛn ma yɛako etsia adwen mu naayɛ, na ama enyidado a yɛwɔ no eedzi mu. (Romefo 15:13) Bible no san ma hɛn afotusɛm a obotum aboa hɛn ma yeegyina ɔhaw a yerihyia no ano. No mu bi nye nyi, ohia, atsɛnkyew nye yarba.

•   Hwɛ mbrɛ enyidado nsɛm a ɔwɔ Bible no mu no, boaa papa bi a nna n’ebusua yɛ ehiafo ma onyaa enyigye nye asomdwee. Hwɛ video a wɔato dzin Juan Pablo Zermeño: Jehovah Ama M’abrabɔ Ayɛ Papa.

•   Hwɛ mbrɛ Bible no besi aboa wo ma eegyina ɔhaw ahorow tse dɛ, awerɛhow, dadwen, ber a wo dɔfo bi ewu nye ber a ibu woho fɔ no ano. Kenkan asɛm a wɔato dzin “Awerɛkyekyesɛm Bi Wɔ Bible No Mu A Obotum Aboa Me Anaa?”

•   Sogyanyi bi a ɔaben wɔ akodzi mu kaa noho asɛm dɛ “nna ne tsirmu yɛ sum na ɔnndwen afofor ho.” Naaso Bible no aboa no ma oenya enyidado papa. Hwɛ video a wɔato dzin I Put Down My Rifle.

 Afe 2024 mu no, bɔ mbɔdzen boa wo ho nye w’ebusua. Sua mbrɛ Bible no besi aboa ɔwo nye w’ebusua no ho adze pii. Ma yɛnye wo nsua Bible no a irunntua sika biara. Na ibohu mbrɛ Nyankopɔn bɛma enya “asomdwee adwen” na ‘daakye nye enyidado.’​—Jeremiah 29:11.