Ndaansa yi, osian nyimpa mu nyiyimu nye ɔko a ɔrokɔ do ntsi, amandzɛɛbɔ a yɛtse no mu bebree no ara fa kasatsia nye nyimpa a wodzi ewu ho.

•   “Israel na Gaza ko no, nye nyimpa bi a wɔhyɛ ewudzisɛm ho nkuran no ama ndɛ ɔtan ho nsɛm ebu do wɔ sohyial media do.”​—The New York Times, November 15, 2023.

•   “Ofitsi October 7 reba no, ɔtan akɔ enyim ara ma kasatsia na ewudzisɛm akɔ sor kyɛn ber biara a abɛsen kɔ.”​—Dennis Francis, ɔpanyin a ɔda United Nations General Assembly ano, November 3, 2023.

 Kasatsia, ewudzisɛm, nye ɔko nnyɛ adze fofor koraa. Asɛm no nye dɛ, Bible no ka hɔn a wɔtsenaa ase wɔ tsetse mber mu noho asɛm dɛ, nna “wɔasew hɔn tɛkyerɛma dɛ afowa” na hɔn enyi gye ɔko nye ewudzisɛm ho. (Ndwom 64:3; 120:7; 140:1) Ndɛ so, Bible no san ma yehu siantsir fofor bi ntsi a ɔtan ebu do no.

 Bible no ma yehu siantsir ebien bi ntsi a ndɛ ɔtan ebu do dɛm no.

1.  1. Bible aka ato hɔ dɛ, ndɛ nyimpa “dodowara hɔn dɔ bɔgow.” (Matthew 24:12) Dɛ nkyɛ nyimpa bɛda ɔdɔ edzi no, wɔda suban a ɔdze ɔtan ba mbom edzi.​—2 Timothy 3:1-5.

2.  2. Ɔtan a woebu do ndɛ nyina no, Satan abɔnsam tsirmɔdzenfo a ɔmmpɛ adze papa no na ɔhyɛ ekyir. Bible no ka dɛ “wiadze nyina da ɔbɔn no mu.”​—1 John 5:19; Nyikyerɛ 12:9, 12.

 Naaso, Bible no ma hɛn enyidado dɛ, ɔnnkɛkyɛr Nyankopɔn beyi ndzɛmba a ɔakɛfa ɔtan aba nyina efi hɔ. Nkyii so, yaw nye ɔhaw a dɛm ɔtan yi akɛfa abrɛ adasamba nyina no obeyi efi hɔ. Bible hyɛ hɛn bɔ dɛ:

•   Nyankopɔn “bɛpepa hɔn enyiwa mu nyinsuwa nyina; na owu nnyi hɔ bio; na awerɛhow, nye su, nye yaw bi nnyi hɔ bio: osiandɛ nkan no ndzɛmba no etwa mu.”​—Nyikyerɛ 21:4.