HOM NKƆ DO NWEƆN!
Asaasewosow Bi A N’ano Yɛ Dzen Paa Esi Wɔ Turkey Na Syria—Ebɛn Asɛm Na Bible No Ka Fa Ho?
Asaasewosow bi a n’ano yɛ dzen paa sii wɔ Turkey na Syria wɔ Dwowda, February 6, 2023.
“Dwowda yi, asaasewosow kɛse bi kunkum nyimpa bɔbor 3,700 wɔ Turkey na Syria etsifi-anee. Osiandɛ asaasewosow yi sii wɔ awɔw ber mu ntsi, wɔama hɔn a woepirapira no na hɔn a wonnya beebi nnda no rebrɛ paa. Afei so, osiandɛ wimu tsebea no nnyɛ papa ntsi, wɔama ayɛ dzen dɛ wobohu hɔn a wonnwuwui no.”—Reuters, February 6, 2023.
Sɛ yɛtse awerɛhosɛm a ɔtsetse dɛm a, ɔyɛ hɛn yaw paa. Yenyim dɛ wɔ tsebea ɔtse dɛm mu no, yebotum dze hɛn enyi ato Jehovah a ɔyɛ “awerɛkyekyer nyina Nyankopɔn” no do. (2 Corinthfo 1:3) Ɔnam ‘kyerɛwnsɛm no n’awerɛkyekyer do ma yenya enyidado.’—Romefo 15:4.
Bible no ma yehu:
Nkɔnhyɛ a ɔfa asaasewosow ho.
Beebi a yebotum enya awerɛkyekyer na enyidado.
Mbrɛ Nyankopɔn besi eyi amandzehu efi hɔ.
Sɛ epɛ dɛ ihu dza Bible no ka fa iyinom ho a, kenkan nsɛm a odzidzi do yi:
a Jehovah yɛ Nyankopɔn ne dzin ankasa.—Ndwom 83:18.