Asɔfo piinara na wɔhyɛ akodzi ho nkuran na wɔfoa do. Na mbrɛ asɔfo binom reyɛ hɔn adze wɔ ɔko a ɔrokɔ do wɔ Ukraine no ho no yɛ dase kor a ɔma yehu dɛm. Hwɛ dza asɔfo binom aka a ɔkyerɛ dɛ wɔtaa ɔfa bi ekyir wɔ ɔko a ɔrokɔ do wɔ Ukraine no mu:

•   “Hɔn a wɔroko agye Ukraine man no efi nhyɛdo ase nyina, yɛma hom nyina ayekoo na hɛn enyi sɔ mbɔdzen a hom robɔ no . . . Yɛdɔ hom, yɛkaa hom wɔ mpaabɔ mu na yɛtaaa hom ekyir aber biara.”​—Metropolitan Epiphanius I a ɔwɔ Kyiv, wɔdze dɛm amandzɛɛbɔ yi baa The Jerusalem Post mu wɔ March 16, 2022.

•   “Ɔpanyin a ɔda Russia Orthodox Asɔr no ano no yɛɛ asɔr maa Russia sogyafo Kwesida yi, na ɔkaa kyerɛɛ hɔn dɛ wɔnko ngye hɔn man ‘tse dɛ mbrɛ Russia ɔmamba pa biara bɛyɛ no,’ aber a Moscow asogyafo ridzi dwuma tsitsir bi wɔ Ukraine no.”​—Reuters, April 3, 2022.

 Aso ɔsɛ dɛ Christianfo dze hɔnho hyɛ akodzi mu anaa? Ebɛnadze na Bible no ka fa ho?

 Bible no ma yehu dɛ hɔn a wɔyɛ Jesus Christ n’ekyirdzifo ankasa no mmfa hɔnho nnhyehyɛ akodzi mu.

•   “Fa wo nkrantsee hyɛ ne hyɛbea bio, na hɔn a wɔfa nkrantsee nyina, nkrantsee anomu na wɔbɛhera.”​—Matthew 26:52.

   Sɛ obi foa akodzi do anaa ɔdze noho hyɛ akodzi mu a, ana yebotum aka dɛ ɔdze Jesus n’asɛm yi reyɛ edwuma?

•   “Mbrasɛm fofor na medze mema hom, dɛ hom ndodɔ homho nkorkor: dɛ mbrɛ madɔ hom no, hom so ndodɔ homho dɛmara. Ɔnam yi do na nyimpa nyina bohu dɛ hom yɛ m’esuafo, sɛ hom wɔ ɔdɔ wɔ homho nkorkor a.”​—John 13:34, 35.

   Sɛ obi foa akodzi do a, ana yebotum aka dɛ ɔdɔ a Jesus kaa dɛ n’ekyirdzifo bɛda no edzi no, nyimpa a ɔtse dɛm no reda bi edzi a?

 Sɛ epɛ iyi ho nsɛm pii a kenkan asɛm a wɔato dzin “Is War Compatible With Christianity?”

 Ndɛ wiadze yi mu yi, ana Christiannyi bi botum atwe noho efi akodzi ho ma aayɛ yie? Nyew. Bible no frɛ aber a yɛtse mu yi dɛ “nda a odzi ekyir.” Na ɔhyɛɛ dɛm aber yi ho nkɔm dɛ, nyimpa ahorow bi a wofi aman nyina mu ‘runnsua akodzi bio,’ na dɛmara so na Jesus kyerɛkyerɛe.​—Isaiah 2:2, 4.

•   Sɛ epɛ iyi ho nkyerɛkyerɛmu pii a, kenkan Ɔweɔn-Aban a wɔato dzin “How Does God View War?”

 Ɔnnkɛkyɛr Jehovah, a “asomdwee Nyankopɔn no,” nam no sor ahendzi no do bɛgye nyimpa efi “nhyɛdo na etsirmɔdzensɛm mu.”​—Philippifo 4:9; Ndwom 72:14, NWT.

•   Sɛ epɛ dɛ ihu mbrɛ Nyankopɔn besi ayɛ iyi a, hwɛ video a wɔato dzin Nyankopɔn N’ahendzi No, Ɔyɛ Ebɛnadze?