Wiadze Nyina Apɔwmudzen Ahyehyɛdze [World Health Organization (WHO)] no bɔ amandzɛɛ dɛ, dze bodu May 23, 2022 no, nna nyimpa ɔpepem 6.27 na COVID-19 yarba no ekunkum hɔn. Naaso, wɔ amandzɛɛbɔ bi a WHO dze too gua wɔ May 5, 2022 mu no, nyimpa dodow a wɔkaa dɛ nna yarba no ekunkum hɔn no dodow bor dɛm koraa. Wɔkaa dɛ, wɔ afe 2020 na 2021 mu no, ‘sɛ eka hɔn a COVID-19 yarba no kum hɔn nye hɔn a yarba no no nsunsuando maa wowuwui no nyina bɔ mu a, hɔn dodow yɛ bɛyɛ ɔpepem 14.9.’ Ebɛn asɛm na Bible no ka fa awerɛhosɛm ahorow a ɔtsetse dɛm ho?

•    Jesus hyɛɛ nkɔm dɛ, wɔ “nda a odzi ekyir” no mu no ɔyardɔm na yarba afofor a ɔyɛ hu bɛka nyimpa pii.​—Luke 21:11; 2 Timothy 3:1.

 Nkɔm a Jesus hyɛe no rinya mbamu ndɛ. Sɛ epɛ dɛ ihu iyi ho nsɛm pii, kenkan asɛm a wɔato dzin “What Is the Sign of ‘the Last Days,’ or ‘End Times’?”

•    ‘Awerɛkyekyer nyina Nyankopɔn no kyekye hɛn werɛ wɔ hɛn ahohia nyina mu.’​—2 Corinthfo 1:3, 4.

 Bible no mu nsɛm ama nyimpa pii a hɔn adɔfo ewuwu no enya awerɛkyekyer. Sɛ ekenkan nsɛm a wɔato dzin “Coping With Grief​—What You Can Do Today” nye “The Best Help for Those Who Grieve” no a, ibohu iyi ho nsɛm pii.

•    “W’ahendzi mbra, wɔnyɛ wo pɛ wɔ asaase do dɛ ɔsor.”​—Matthew 6:10.

 Ɔnnkɛkyɛr ‘Nyankopɔn n’Ahendzi no’ beyi yarba efi hɔ na “ɔmamfo no mu bi nnkɛse dɛ, Meyar.” (Mark 1:14, 15; Isaiah 33:24) Sɛ epɛ dɛ ihu dɛm ahendzi yi na dza ɔbɛyɛ no ho nsɛm pii a, hwɛ video a wɔato dzin Nyankopɔn N’ahendzi No, Ɔyɛ Ebɛnadze?

 Yɛhyɛ wo nkuran dɛ sua dza Bible no ka ho nsɛm no ho adze pii. Afotusɛm nye bɔhyɛ ahorow a ɔyɛ enyigye a ɔwɔ mu no bɔboa ɔwo na w’ebusua.