Akodzi a ɔrokɔ do wɔ wiadze yi mu ndɛ no dze yaw na amandzehu pii aba. Ɔwodze ma yɛnhwɛ amandzɛɛbɔ ahorow a odzidzi do yi:

•   “Bɛyɛ mfe 28 nye yi, nyimpa pii na woewuwu wɔ ɔko mu. Naaso nyimpa dodow a wowuwui wɔ ɔko mu afe a etwa mu yi dɔɔso sen iyi koraa. Na ne fa kɛse no ara fi ɔko a ɔkɔr do wɔ Ethiopia na Ukraine no mu.”​—Peace Research Institute Oslo, June 7, 2023.

•   “Sɛ yɛdze ɔko a osii wɔ Ukraine no to nkyɛn a, akodzi pii so mu yɛɛ dzen wɔ 2022. Ɔko a amanyɛsɛm dze baa afe a etwa mu no kɔr enyim bɛyɛ ɔha mu nkyekyɛmu 27 wɔ wiadze nyina, na nyimpa bɛyɛ ɔpepepem 1.7 na ɔko maa hɔnho kae.”​— The Armed Conflict Location & Event Data Project (ACLED), February 8, 2023.

 Bible no ma yenya enyidado. Ɔka dɛ, “Ɔsor Nyankopɔn bɛma ahendzi a wɔrennsɛɛ no da” do. (Daniel 2:44) Sɛ dɛm Ahendzi anaa aban no ba a, Nyankopɔn bɛma ‘akodzi abɔ adze ekodu asaase ano’​—Ndwom 46:9.