Nyimpa pii ahwer gyedzi a wɔwɔ wɔ amanyɛfo mu no, osiandɛ wɔtse nka dɛ kɛtɛasehyɛ eguar hɔn. Ntsi wɔpɛ aban mpanyimfo a wobotum agye hɔn edzi. Wɔdze nhwehwɛmu bi a wɔyɛɛ no 2023 too gua. Wɔyɛɛ nhwehwɛmu yi wɔ wiadze no afa pii, na ɔdaa edzi dɛ kuw a nkorɔfo ahwer hɔn mu gyedzi paa nye aban mpanyimfo. a

 Bible no ma yehu dɛ, aban bi wɔ hɔ a nyia odzi do tum no yɛ nokwafo, ntsi yebotum dze hɛn enyi ato no do, na kɛtɛasehyɛ biara mmbɔn no ho. Dɛm aban no nye Nyankopɔn n’Ahendzi no, na nyia odzi do tum nye Jesus Christ.​—Isaiah 9:7.

 Jesus n’asetsena mu nsɛm nyina ma ɔda edzi dɛ nkorɔfo hɔn asɛm yɛ n’asɛm na ɔdwen afofor ho paa. (Matthew 9:35, 36) Dɛ Nyankopɔn n’Ahendzi no do hen no, ɔbɔhwɛ ma ne mamfo enya asomdwee nye atsɛntsenenee.​—Ndwom 72:12-14.