•   “United States man no mu no, hɔn a woeenyin no mu fa kɛsenara tse nka dɛ wɔayɛ ankonam. Na ehwɛ mu a, hɔn a wɔyɛ mberantsɛ na nkataasia na wɔtse nka dɛm paa.”​—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, wɔkyerɛw no afe 2023 mu.

•   World Health Organization dze too gua dɛ, woatsew kuw fofor bi a wɔfrɛ no Commission on Social Connection. Kuw no edwuma nye dɛ, hɔn a wɔtse nka dɛ wɔayɛ ankonam no, wombu no dɛ ɔyɛ yarba na wɔnhwehwɛ n’ano edur. Afei so, wɔnhyɛ hɔn a wɔrefa tsebea a ɔtse dɛm mu no nkuran ma wɔmbɛn afofor. Bio so, kuw no nhwehwɛ kwan a wɔbɛfa do eyi dɛm haw no efi hɔ wɔ aman a wɔwɔ sika nye hɔn a wonnyi sika nyina mu.”​—World Health Organization, November 15, 2023.

 Bible no ma hɛn afotu ahorow a obotum aboa hɛn ma yɛakɔ do abɛn afofor na yɛannyɛ ankonam.

 Dza eyɛ a ɔma etwe woho fi afofor ho no, tsew do. Dɛ nkyɛ edze mber pii bɛtsena sohyial media do no, ɔbɛyɛ papa dɛ, enye w’ayɛnkofo bɔbɔ mu agye hom enyiwa enyim na enyim ama eehu hɔn yie.

•   Afotu a Bible dze ma: “Ɔnyɛnko dɔ aber nyinara, Na onua dze, wɔwo no ma abɛbrɛsɛber.”​—Mbɛbusɛm 17:17.

 Hwehwɛ akwan a ibotum afa do aboa afofor. Sɛ yɛboa afofor a, ɔma yɛnye hɔn ntamu yɛ papa na hɛnankasa so, hɛn enyi gye.

•   Afotu a Bible dze ma: “Ɔma yɛ nhyira kyɛn ɔgye.”​—Asomafo Ndwuma 20:35.

 Sɛ epɛ Bible mu afotu a ɔbɔboa wo ma enya anyɛnkofo apapa a, kɔ hɛn wɛbsaet hɔ.