Afe 2023 mu no, dɔktafo bohun dɛ ankonamyɛ retseetsee nyimpa ntsi ɔsɛ dɛ wotu ho anamɔn ntsɛm. Naaso ehwɛ a, wobotum esiw ano?

•   Dɔkta panyin bi a ɔwɔ United States a wɔfrɛ no Dr. Vivek Murthy kaa dɛ: “Sɛ obi tse nka dɛ wɔayɛ ankonam anaa ɔtsew noho fi afofor ho a, obotum akɛfa yarba abrɛ no.” Afei so, ɔdze kaa ho dɛ: “Biribi wɔ hɔ a yebotum ayɛ dze esiw ano.” Ebɛnadze na yebotum ayɛ? “Yebotum ayɛ ndzɛmba nketsenketse bi dze ahyɛ anyɛnkofa a yɛnye afofor wɔ no mu dzen.” a

 Binom ayɛ ankonam osiandɛ obiara nnyi hɔn nkyɛn. Binom so dze, nyimpa pii etwa hɔnho ehyia naaso wɔda ho ara tse nka dɛ wɔayɛ ankonam. Naaso dɛ mbrɛ ɔtse biara no, sɛ yɛayɛ ankonam mpo a Bible no botum aboa hɛn. Afotusɛm pii wɔ Bible no mu a obotum aboa hɛn ma yaatwe abɛn afofor na yaannyɛ ankonam na ber kor no ara so yɛahyɛ hɛn anyɛnkofa mu dzen.

 Sua mbrɛ wosi bɔ nkɔmbɔ. Ɔyɛ a, ka mbrɛ isi tse nka no ho asɛm kyerɛ afofor, naaso dza ohia paa nye dɛ ibetsie nyia enye no robɔ nkɔmbɔ no so. Sɛ ema obi hu dɛ edwen no ho a, hom anyɛnkofa no mu bɛyɛ dzen paa.

 Yɛ obi a obiara tum fa no nyɛnko. Fa hɔn a woenyin kyɛn wo nye hɔn a enyin kyɛn hɔn no nyina nyɛnko. Hɔn so a ɔsor hɔn amambra anaa wofi aman afofor do no so, ibotum afa hɔn nyɛnko.

•   Bible mu afotusɛm: “Hom mbue hom akoma mu.”—2 Corinthfo 6:13.

 Sɛ epɛ afotusɛm a ɔbɔboa wo ma enye afofor afa nyɛnko a no mu yɛ dzen a, kenkan asɛm a wɔato dzin “Satisfying Our Hunger for Friendship.”