Aber a Jesus wɔ asaase do no, wotwaa asɛm too no do, na wɔhwee no aber a nna ɔnnyɛɛ bɔn biara. Ɔnnyɛ ɔno nko, kwan a wɔfaa do dzii n’asɛm no so nna ɔnnyɛ no kwan do. Afei wobuu asɛm no guu no do buu no kumfɔ, na wokum no yayaayaw. Osian dza Jesus faa mu ntsi, sɛ yehu amandze osian nsɛmbɔndzi na atsɛnkyew a ɔrokɔ do no a, ɔtse hɛn ase. Ɔwɔ mu dɛ ɔannyɛ bɔn biara a ɔfata owu dze, naaso ofii ne pɛ mu ‘dze no nkwa yɛɛ werdam dze gyee nyimpa beberee.’ (Matthew 20:28; John 15:13) Seseiara dze, ɔyɛ Nyankopɔn n’Ahendzi no do Hen, na ɔrennkyɛr biara obeyi nsɛmbɔndzi efi hɔ korakora, na obobu atsɛntsenenee wɔ asaase yi do beebiara.​—Isaiah 42:3.

 Bible no ma yehu mbrɛ asetsena bɛyɛ wɔ asaase do aber a Jesus akeka noho no. Bi nye dɛ:

•   “Omumuyɛfo [renntsena] hɔ bio; nyew ebɔhwehwɛ ne tsenabea ara yie, naaso nna onnyi hɔ. Na [ahobrɛadzefo] dze wobenya asaase no atsena do; na wɔagye hɔn enyi wɔ asomdwee pii mu.”​—Ndwom 37:10, 11.

 Ebɛnadze na yebotum ayɛ dze akyerɛ dɛ hɛn enyiwa sɔ dza Jesus ayɛ nye dza ɔbɛyɛ ama hɛn daakye no? Dɛ mbrɛ wɔakyerɛw wɔ Luke 22:19 no, Jesus kaa kyerɛɛ n’ekyirdzifo dɛ wɔnkaa no wu no. Iyi ntsi afe biara, sɛ da a Jesus wui no du a, Jehovah Adasefo hyia mu. Afe yi, Jesus no wu ho Nkaadzi no besi Kwesida, March 24, 2024. Ntsi yɛto nsa frɛ wo dɛ bɛka hɛn ho.

Hwehwɛ Nkaadzi Bi