“Dɔkta panyin bi a wɔfrɛ no Dr. Vivek Murthy dze too gua dɛ: “Mbabun pii noara na worinya adwenmu yarba, na dza ɔakɛfa iyi nyina aba no mu kɛse paa nye sohyial media.”​—New York Times, June 17, 2024.

 Ebɛnadze na awofo botum ayɛ dze abɔ hɔn mba ho ban efi ɔhaw a sohyial media dze ba no ho? Afotusɛm pii wɔ Bible no mu a obotum aboa hɔn.

 Hwɛ Bible mu afotusɛm a odzidzi do yi.

 “Ɔbadwembanyi dze ɔhwɛ ne nantsew yie.”​—Mbɛbusɛm 14:15.

 Mma nnya adwen dɛ obiara kɔ sohyial media do bi ntsi ɔsɛ dɛ ema wo ba kwan ma ɔno so kɔ sohyial media do, osiandɛ ɔhaw pii na ofi mu ba. Sɛ epɛ dɛ wo ba kɔ sohyial media do so a, hwɛ dɛ ɔyɛ obi a obotum dze ne ber edzi dwuma yie, obotum afa anyɛnkofo papa na ɔronnhwɛ ndzɛmba bɔn wɔ hɔ.

•   Sɛ epɛ dɛ isua pii a kenkan nsɛm a odzidzi do yi “Should My Child Use Social Media?” nye “Teaching Your Teenager Social Media Safety.”

 ‘Hom mfa hom ber nyɛ ndzɛmba a no ho hia.’​—Ephesusfo 5:16.

 Sɛ eka dɛ wo ba nkɔ sohyial media do a, ma no mbra a ɔbɛkyerɛ no kwan a ɔdze sohyial media bedzi dwuma, na ma onhu mbrɛ ɔbɔbɔ no ho ban efi ɔhaw ho. Ɔyɛ a fa w’enyi to famu hwɛ dɛ wo ba no suban resesa anaa. Sɛ dɛm a, tsew ber dodow a ɔdze kɔ sohyial media do no.

•   Fa mfonyin a wɔadrɔdrɔw Be Social-Network Smart no boa wo ba ma onhu hia a no ho hia dɛ ehyehyɛ sohyial media ho mbra ma no no.

 Bible no ka dɛ yɛtse “awerɛhow ber ” mu. (2 Timothy 3:1-5) Bible no san so ma hɛn afotu pii a obotum aboa hɛn ma yɛanntsetsee pii. Asɛm bi wɔ hɛn wɛbsaet no do a ɔbɔboa mbabun ma adwendwen annhyɛ hɔn do. Ɔyɛ nsɛm ahorow bɔbor 20 a ogyina Bible no do, na ɔbɔboa awofo nye hɔn mba nyina.