Sɛ egye obi dzi naaso ɔma wo nsa si famu a, obotum ayɛ wo yaw paa. Nyimpa a wodzidzi do yi, nkorɔfo nngye hɔn nndzi bio . . .

•   aban mpanyimfo a wɔdwen hɔn nkotsee hɔn ho na nnyɛ amamfo no.

•   dawurbɔ ndwuma a wɔnnka nokwar anaa wokyinkyim nsɛm a wɔdze to gua no.

•   abɔdzenyansahufo a wɔyɛ ndzɛmba a ekyir yi ɔdze ɔhaw brɛ nyimpa.

•   nyamesom mpanyimfo a wɔdze Nyankopɔn no som ato nkyɛn na mbom wɔdze hɔnho hyehyɛ amanyɛsɛm mu.

 Ntsi ndɛ nnyɛ nyimpa nyina na nkorɔfo gye hɔn dzi, na ntseasee so wɔ mu. Bible no bɔ hɛn kɔkɔ dɛ:

•   “Mma hom mmfa hom werɛ nnhyɛ ahemfo mu; na ɔdasanyi biara nnyi hɔ a obotum agye hom.”​—Ndwom 146:3, Good News Translation.

  Bible no ma yehu obi a yebotum agye no edzi. Ɔno nye Jesus Christ. Jesus yɛ nyimpa pa a ɔtsenaa ase mfe pii etwa mu. Naaso nnyɛ dɛ ɔyɛ nyimpa pa kɛkɛ, na mbom Bible no ka dɛ Nyankopɔn eyi no dɛ ‘ondzi Hen, na n’Ahendzi nnkɔbɔ adze da.’ (Luke 1:32, 33) Jesus na ɔyɛ Nyankopɔn n’Ahendzi no do Hen. Dɛm Ahendzi yi yɛ aban a oridzi tum wɔ sor.​—Matthew 6:10.

•   Sɛ epɛ dɛ ihu siantsir a ibotum agye Jesus edzi a, kenkan asɛm a wɔato dzin “Who Is the King of God’s Kingdom?” na “What Will God’s Kingdom Accomplish?”