ADZESUA 13
Mfaso A Ɔwɔ Mu A Wɔma Ɔda Edzi
Isaiah 48:17
DZA ƆSƐ DƐ EYƐ: Boa w’etsiefo no ma wonhu mbrɛ w’asɛntsir no ka hɔn asetsena, na kyerɛ hɔn mbrɛ wobesi dze dza woesũa no ayɛ edwuma.
MBRƐ IBESI AYƐ NO:
-
Dwen w’etsiefo no ho. Dwendwen siantsir a otwar dɛ w’etsiefo no tse asɛm a ewɔ ma hɔn no ho. Afei, hwɛ dɛ w’asɛm no ne fã bɛn na ɔbɔboa hɔn paa.
-
Wɔ w’asɛm no nyinara mu no, kyerɛ w’etsiefo no dza otwar dɛ wɔyɛ. Wɔ wo kasa n’ahyɛse pɛɛ no, ɔsɛ dɛ w’etsiefo no mu biara hu dɛ, ‘Dɛm asɛm yi fa mo ho.’ Sɛ erekyerɛkyerɛ asɛntsitsir biara mu a, kyerɛ hɔn mbrɛ wobotum dze ayɛ edwuma. Sɛ erekyerɛ w’etsiefo no dza otwar dɛ wɔyɛ a, ma wonhu anamɔn pɔtsee a ɔsɛ dɛ wotu.
