Siesie woho yie. Sũa dza wɔdze ama wo no araa kesi dɛ ebɛtse nsɛntsitsir a ɔwɔ mu no ase, na eehu mbrɛ Kyerɛwsɛm no kyerɛkyerɛ mu ma ɔda edzi dɛ ɔyɛ nokwar. Afei, bɔ mbɔdzen fa nsɛm kakraabi a ne ntseasee nnyɛ dzen kyerɛkyerɛ nsɛntsitsir no mu. Fa w’adwen si mbrɛ asɛm no bɔboa w’etsiefo no do. Bɔ mpaa serɛ sunsum krɔnkrɔn.

Ma wo kasaa nkyerɛ dɛ ewɔ ahotodo. Fa wankasa wo nsɛm dzi dwuma mbom kyɛn dɛ ebɔhwɛ nsɛmfua a woetsintsim no na akã no pɛpɛɛpɛ akyerɛ w’etsiefo no. Sɛ erekasa a, ma nkasafua a edze bedzi dwuma no nkyerɛ dɛ egye dza erekã no dzi.

Fi w’akoma nyinara mu kasa. Kasa dzen dɛ mbrɛ ɔfata. Sɛ ɔnnyɛ mfom wɔ beebi a ewɔ no dɛ ebɔkɔ do ahwɛ w’etsiefo no enyim tsenn na akasa a, yɛ no dɛm.