Sũa w’asɛm no yie paa. Tse w’asɛntsir no ase yie paa mbrɛ ɔbɛyɛ a ibotum dze wankasa wo nsɛm akyerɛkyerɛ mu ma no mu aada hɔ.

Fa nsɛntɔw ntsiantsia na nsɛmfua a ne ntseasee nnyɛ dzen dzi dwuma. Ɔnnyɛ mfom dɛ edze nsɛntɔw atsentsen bedzi dwuma dze, naaso fa nsɛmfua nye nsɛntɔw ntsiantsia kyerɛkyerɛ nsɛntsitsir no mu.

Kyerɛkyerɛ nsɛm bi a wonnyim no mu. Sɛ ɔbɛyɛ yie a, mma mmfa nsɛm bi a w’etsiefo no nnyim n’asekyerɛ nndzi dwuma. Sɛ no ho hia dɛ edze asɛm bi a wonnyim n’asekyerɛ, Bible mu nyimpa bi a wonnyim no, kwan a nna wɔfa do susu adze wɔ tsetseber mu anaa tsetse amambra bi a wonnyim dzi dwuma wɔ wo kasa no mu a, kyerɛkyerɛ mu.