Hwehwɛ adanse a odzi mũ na fa dzi dwuma. Fa wo nsɛm no gyina Nyankopɔn n’Asɛm do, sɛ ɔbɛyɛ yie a kenkan fi mu tsenn. Sɛ ebɛkã nyansahu ho asɛm bi, amandzɛɛbɔ bi, suahu bi, anaa biribi fofor biara ho asɛm a, dzi kan yɛ nhwehwɛmu hu dɛ beebi a inyaa w’asɛm no fii no dzi mũ, na asɛm no yɛ nokwar na onntwaa mu.

Fa adanse no dzi dwuma yie. Kyerɛkyerɛ kyerɛwnsɛm mu ma ɔnye dza dɛm nyiyimu no, nye nyiyimu afofor a ɔfa ho no rekã ho asɛm no nhyia. Afei hwɛ dɛ ɔnye Bible no mu nsɛm nyinara nye nwoma ahorow a “akowaa nokwafo nye nyansafo” no etsintsim no so behyia. (Matt. 24:45) Sɛ ebɛfa asɛm bi efi nwoma fofor bi a ɔnnyɛ asafo nwoma mu mpo a, mma nnsesa adwen a ɔkyerɛwfo no dze kyerɛwee no.

Enye w’etsiefo no nsusu adanse no ho. Sɛ ekenkan kyerɛwsɛm bi anaa efa biribi mu asɛm kã a, bisa nsɛm bi anaa ma mfatoho bi fa boa w’etsiefo no ma hɔnankasa ntse asɛm no ase.