Dza Jesus Yɛe

Ebɛnadze Na Yesua Fi Dza Jesus Yɛe No Mu?

2. Sɛ yɛamma hɛn nkyerɛkyerɛ annyɛ worworann a, asɛm a yɛka no bɛka nkorɔfo hɔn akoma na hɔn werɛ rimmfir.

 Suasua Jesus

3. Mma nnkasa pii. Sɛ enye obi rusua adze a, mma nnwora biribiara a inyim fa asɛm no ho no nngu no do, mbom asɛm a ɔwɔ nwoma no mu no, ɔno na hom mbɔ ho nkɔmbɔ. Sɛ ibisa wo suanyi no asɛm bi a, mma nngye asɛm no mmfi n’ano; nya noho abotar ma onyi ano. Sɛ onnyim mbuae no anaa ɔka asɛm bi a onnyi Bible no mu a, bisa no nsɛm afofor bi ma ɔnsan ndwen asɛm no ho. Afei, sɛ osuanyi no tse ase a, hom ntoa do.

4. Gyina dza wo suanyi no nyim dada no do fa kyerɛ no ndzɛmba afofor. Dɛ nhwɛdo no, sɛ hom rubosua owusoɛr ho adze a, dzi kan enye no mbɔ dza onyim fa tsebea a ewufo wɔ mu no ho nkɔmbɔ kakraabi, ansaana hom ahyɛ ase.

5. Fa mfatoho dzi dwuma yie. Sɛ epɛ dɛ eyɛ mfatoho bi a, bisa woho dɛ:

1.   a. ‘Mfatoho a merebɛyɛ yi, ɔyɛ worworann anaa?’

2.  b. ‘Mo suanyi no bɛtse ase ntsɛm anaa?’

3.  d. ‘Ɔbɔboa no ma ɔaatse dza yerusua no ase anaa mfatoho no pɛ na ɔbɛkaa?’