Dza Jesus Yɛe

Ebɛnadze Na Yesua Fi Dza Jesus Yɛe No Mu?

2. Sɛ yenya akokodur ka ndzɛmba a ɔsɛ dɛ hɛn esuafo yɛ ama woeetum asom Nyankopɔn yie na yɛammfa ammfefa nkyɛnkyɛn a, ɔkyerɛ dɛ yɛdɔ hɔn.

 Suasua Jesus

3. Boa wo suanyi ma ɔmfa botae nsisi n’enyi do na ɔmper ndu ho.

1.   a. Fa “Dza Ebɛyɛ” ɔfa a ɔwɔ Ibotum Enya Enyigye Daa! adzesua biara n’ewiei no boa no.

2.  b. Botae nketsenketse na akɛse bi a ɔdze esisi n’enyi do no, boa no ma onhu ndzɛmba pɔtsee bi a ɔsɛ dɛ ɔyɛ ama oeetum edu ho.

3.  d. Sɛ otum du botae bi ho a, ɔyɛ a kamfo no.

4. Fa w’enyi to famu na hwɛ ndzɛmba a ɔmma onntum nnkɔ n’enyim no, na boa no ma onyi mfi hɔ.

1.    Bisa woho dɛ:

   • ‘Ebɛnadze koraa na ɔmma mo suanyi no nntum nnuma?’

   • ‘Ebɛnadze paa na mubotum ayɛ aboa no?’

2.   Ndzɛmba bi a ɔsɛ dɛ wo suanyi no yɛ no, ka kyerɛ Jehovah dɛ ɔmma wo akokodur ama eetum efi ɔdɔ mu aka ho asɛm akyerɛ no.

5. Sɛ osuanyi no nnkɔ n’enyim a, twa adzesua no mu.

1.    Sɛ epɛ dɛ ihu dɛ wo Bible suanyi no rokɔ n’enyim anaa ogyina fakor a, bisa woho dɛ:

   • ‘Mohwɛ mbrɛ ndzɛmba rokɔ no a, ɔdze dza osua no robɔ ne bra?’

   • ‘Ɔba asafo nhyiamu? Na dza oesua no so, ɔka bi kyerɛ nkorɔfo anaa?’

   • ‘Ofi ber tsentsen a menye no esua adze besi ndɛ yi, muhu dɛ ɔpɛ dɛ ɔbɛyɛ Jehovah Dasefo anaa?’

2.   Sɛ Bible suanyi bi nntum nnkɔ n’enyim a:

   • Ma ɔndwendwen ndzɛmba a ɔmma onntum nnkɔ n’enyim no ho.

   • Tɔ wo bo ara boa no ma onhu siantsir a ɔsɛ dɛ hom twa adzesua no mu.

   • Ma onhu dza ɔsɛ dɛ ɔyɛ ama hom eetum ahyɛ adzesua no ase bio.