BER A EPƐ DƐ EHYƐ NKƆMBƆ ASE
John 9:1-7
ADZESUA 3
Kyerɛ Dɛ Edwen Nyimpa No Ho
Ngyinadosɛm: ‘Ɔdɔ ne yamu ye.’—1 Cor. 13:4.
Dza Jesus Yɛe
1. Hwɛ VIDEO no, anaa kenkan John 9:1-7. Afei, susu nsɛmbisa a odzidzi do yi ho:
Ebɛnadze Na Yesua Fi Dza Jesus Yɛe No Mu?
2. Sɛ obi a yɛpɛ dɛ yɛnye no bɔ nkɔmbɔ no hu dɛ yɛdwen noho a, ɔbɛma oetsie asɛmpa a yɛdze nam no.
Suasua Jesus
3. Tse nyimpa no ase. Ma nyimpa no n’asɛm nyɛ w’asɛm.
-
Bisa woho dɛ: ‘Mohwɛ a, ebɛnadze nye ne haw? Ebɛn asɛm na meka a obotum aboa no anaa n’enyi bɛgye ho?’ Eyɛ dɛm a, ɔbɔboa wo ma eefi w’akoma mu ayɛ biribi dze aboa no.
-
Sɛ nyimpa no rekasa a, tsie dza ɔwɔ ka nyina. Sɛ eyɛ dɛm a obohu dɛ edwen noho na n’asɛm hia wo. Sɛ ɔka mbrɛ osi tse nka anaa ne haw bi ho asɛm kyerɛ wo a, mma mmbɔ n’asɛm no nngu.
4. Fi w’akoma mu enye no nkasa wɔ obu mu. Sɛ edwen nyimpa no ho na epɛ paa dɛ eboa no a, ɔbɛda edzi wɔ wo kasaa mu. Hwɛ wo kasaa yie paa, na mma nnka asɛm bi a obotum ahaw no.
5. Yɛ biribi boa no. Sɛ ehwɛ tsebea a nyimpa no wɔ mu no a, ebɛnadze na ibotum ayɛ dze aboa no? Kaa dɛ, ndzɛmba nketsenketse bi a yɛyɛ boa nkorɔfo no botum ebue kwan ma yɛnye hɔn abɔ nkɔmbɔ.
KENKAN KYERƐWNSƐM AHOROW YI SO
Rom. 12:15, 16; Gal. 6:10; Heb. 13:16
