BER A EPƐ DƐ EHYƐ NKƆMBƆ ASE
Andw. 17:22, 23
ADZESUA 5
Hwɛ Wo Kasaa Yie
Ngyinadosɛm: ‘Hom mma hom kasaa nyɛ dɛw aber nyina.’—Col. 4:6.
Dza Paul Yɛe
1. Hwɛ VIDEO no, anaa kenkan Asomafo Ndwuma 17:22, 23. Afei, susu nsɛmbisa a odzidzi do yi ho:
Ebɛnadze Na Yesua Fi Dza Paul Yɛe No Mu?
2. Sɛ yɛhwɛ hɛn kasaa yie na yehu ber a ɔsɛ dɛ yɛkasa a, ɔbɛma nkorɔfo etsie hɛn wɔ asɛnka mu.
Suasua Paul
3. Ka nsɛm a nkorɔfo enyi bɛgye ho. Dɛ nhwɛdo no, sɛ epɛ dɛ eka Bible no anaa Jesus ho asɛm kyerɛ obi a ɔnnyɛ Christiannyi a, ɔsɛ dɛ ihu mbrɛ ibesi aka no amma ɔammbɔ w’asɛm no enngu.
4. Mma mmper woho dɛ ebɛtsen asɛm biara a nyimpa no bɛka no. Ma nyimpa no kwan ma ɔnkasa. Sɛ ɔka asɛm bi a onnyi Bible mu a, nya noho abotar na mma ennye no nngye kyim. (Jas. 1:19) Sɛ eyɛ dzinn tsie no a, ɔbɛma ehu dza ɔgye dzi nye siantsir a ɔgye dzi.—Mbɛ. 20:5.
5. Sɛ enye no yɛ adwen wɔ asɛm bi a ɔreka ho a, ɔyɛ a kamfo no. Bi a ɔgye dzi paa dɛ dza n’asɔr kyerɛkyerɛ no na ɔyɛ nokwar. Sɛ dɛm a, ɔno pɛ asɛm bi a enye n’adwen hyia wɔ ho, na boa no nkakrankakra ma onhu dza Bible no kyerɛkyerɛ ankasa.
KENKAN KYERƐWNSƐM AHOROW YI SO
Mbɛ. 25:15; 2 Tim. 2:23-26; 1 Pet. 3:15
