BER A EPƐ DƐ EHYƐ NKƆMBƆ ASE
ADZESUA 6
Mma Nnsuro
Ngyinadosɛm: “Yɛyɛɛ ndam wɔ hɛn Nyankopɔn mu dɛ yɛbɛka Nyankopɔn asɛmpa no akyerɛ hom.”—1 Thess. 2:2.
Dza Jesus Yɛe
1. Hwɛ VIDEO no, anaa kenkan Luke 19:1-7. Afei, susu nsɛmbisa a odzidzi do yi ho:
Ebɛnadze Na Yesua Fi Dza Jesus Yɛe No Mu?
2. Sɛ yennsuro nyimpa biara a, yebotum aka asɛmpa no bi akyerɛ no.
Suasua Jesus
3. Fa woho to Jehovah do. Nyankopɔn dze no sunsum krɔnkrɔn no boaa Jesus ma otumii kaa asɛmpa no, na obotum dze aboa woara so. (Matt. 10:19, 20; Luke 4:18) Sɛ epɛ dɛ idzi obi dase, naaso isuro a, serɛ Jehovah dɛ ɔmboa wo.—Andw. 4:29.
4. Mma mmbu nyimpa binom dɛ worinntsie asɛmpa no. Nyimpa binom wɔ hɔ a, sɛ yɛhwɛ hɔn kɛse na hɔn tsentsen, hɔn dzibew, hɔn abrabɔ, nye asɔr a wɔkɔ a, bi a yebosuro dɛ yebedzi hɔn dase. Naaso kaa dɛ:
-
Jehovah na Jesus botum ehu dza ɔwɔ obi n’akoma mu; hɛndze yerunntum nnhu.
-
Sɛ nyimpa no tse dɛn koraa mpo a, Jehovah botum ehu no mbɔbɔr.
5. Mma nnsuro obiara, naaso hwɛ woho na wo kasaa yie. (Matt. 10:16) Mma nngye kyim. Sɛ ihu dɛ nyimpa no mmpɛ dɛ otsie wo anaadɛ nkɔmbɔ no rekɛfa asɛm aba a, twa do bɔkɔɔ, na fi hɔ kɔ.—Mbɛ. 17:14.
KENKAN KYERƐWNSƐM AHOROW YI SO
Andw. 4:31; Eph. 6:19, 20; 2 Tim. 1:7