Ansaana ebɛyɛ adzesua no

1. Dza hom bosua no, dzi kan sua no yie. Aber a irusua no, ɔyɛ a dwendwen dza wo suanyi no hia, ne haw, nye dza ɔgye dzi no ho. Beebi a ehwɛ a ɔsɛ dɛ ebɔ hɔ yie paa ama ɔaatse ase na ɔdze abɔ bra no, hyɛ no nsew. Afei hwɛ dɛ nsɛm a ɔwɔ “Hwehwɛ Pii Ka Ho” ɔfa hɔ no, no mu hendze na ibotum dze aboa no wɔ adzesua no mu.

Aber a adzesua no rokɔ do no

1. Sɛ osuanyi no pen do a, fa mpaabɔ hyɛ adzesua no ase, na fa wie.

2. Hwɛ na annkasa pii. Enye no mbɔ nsɛm a ɔwɔ buukuu no mu no ho nkɔmbɔ, na ma kwan ma ɔnkasa.

3. Sɛ hom rebɛhyɛ adzesua a ɔwɔ Ɔfa 1 kesi Ɔfa 4 no mu biara ase a, ɔyɛ a kenkan asɛm a ɔwɔ “Dza Ibosua” ɔfa hɔ no, na ka ndzɛmba a hom bosua wɔ dɛm ɔfa no mu ho asɛm kakra.

4. Sɛ hom sua adzesua a ɔwɔ Ɔfa 1 kesi Ɔfa 4 no mu biara wie a, fa mbobɔdo a ɔwɔ dɛm ɔfa hɔ no boa osuanyi no ma ɔnkaa dza oesua no.

5.   Adzesua anaa tsir biara a hom bodu do no, ɔyɛ a:

   1. a. Hom nkenkan nsɛm a ɔwɔ ɔfa a odzi kan no.

   2. b. Kyerɛwnsɛm biara a wɔakyerɛ dɛ hom nkenkan no, hom nkenkan.

   3. d. Ehwɛ na ɔsɛ dɛ hom kenkan kyerɛwnsɛm afofor a wɔatwe adwen esi do wɔ adzesua no mu no a, hom nkenkan.

   4. e. Video a wɔakyerɛ dɛ hom nhwɛ no nyina, sɛ ewɔ bi a, hom nhwɛ.

   5. ɛ. Asɛmbisa biara a ɔwɔ buukuu no mu no, bisa osuanyi no.

   6. f. Ma osuanyi no nhwɛ mfonyin ahorow a ɔwɔ “Pɛnsapɛnsa Mu Kɔ Ekyir” ɔfa hɔ no, na ma ɔnka ho asɛm.

   7. g. Fa asɛm a ɔwɔ “Dza Ebɛyɛ” ɔfa hɔ no boa wo suanyi ma onhu nkɔenyim a orinya. Ibotum ahyɛ no nkuran ma ɔdze botae a ɔwɔ buukuu no mu no esi n’enyi do. Ibotum so ama ɔdze botae fofor bi esi n’enyi do. Anaaso mpo dɛ, ibotum ama ɔdze dza ɔwɔ buukuu no mu no nye fofor no nyina esi n’enyi do.

   8. h. Nsɛm na video ahorow a ɔwɔ “Hwehwɛ Pii Ka Ho” ɔfa hɔ no, bisa wo suanyi no dɛ no mu hendze na n’enyi gyee ho paa aber a orisiesie noho no.

   9. i. Aber biara a enye wo suanyi no bosua adze no, hom mbɔ mbɔdzen nwie adzesua anaa tsir kor.

Aber a hom esua adze ewie no

1. Kɔ do dwendwen wo suanyi no ho. Bɔ mpaa serɛ Jehovah dɛ ɔmboa wo suanyi no ma ɔnkɔ n’enyim, na ɔmma wo nyansa a edze bohu dza ɔbɔboa wo suanyi no.