ADZESUA 02
Bible No Ma Yenya Enyidado Bi
Sɛ ekɔ wiadze yi mu beebiara a, nkorɔfo hyia ɔhaw wɔ hɔn asetsena mu, ma ntsi awerɛhow na adwendwen hyɛ hɔn do, na ɔyɛ mpo a wodzi yaw. Aso ehyia ɔhaw bi wɔ w’asetsena mu ma afa tsebea a ɔtse dɛm mu pɛn? Bi a iruhu amandze osian yarba bi a ɔretseetsee wo anaa wo dɔfo bi a oewu ntsi. Obotum mpo aba no dɛ, ɔyɛ a ibisa woho dɛ, ‘Ntsi ndzɛmba bɛyɛ yie ama me nye yi?’ Bible ma dɛm asɛmbisa yi ho mbuae ma ɔka akoma.
1. Ebɛnadze na ɔkyerɛ dɛ Bible no ma yenya daakye ho enyidado?
Bible no ma yehu siantsir a ɔhaw na amandzehu ahyɛ wiadze mu ma dɛm, na ɔsan so ka asɛmpa bi kyerɛ hɛn, ɔno nye dɛ ɔrennkyɛr dɛm amandzehu yi nyina befi hɔ. Bɔhyɛ ahorow a ɔwɔ Bible mu no botum ama eenya daakye ho “enyidado.” (Kenkan Jeremiah 29:11, 12.) Dɛm bɔhyɛ ahorow no boa hɛn ma yetum gyina ɔhaw ahorow a yehyia no ndɛ no ano, ɔma yenya adwempa, na ɔma yenya awerɛhyɛmu dɛ yebotum enya enyigye afebɔɔ.
2. Ebɛn asɛm na Bible no ka fa daakye ho?
Bible no ka daakye ho asɛm dɛ, ber bi bɛba a “owu nnyi hɔ bio; na awerɛhow, nye su, nye yaw bi nnyi hɔ bio.” (Kenkan Nyikyerɛ 21:4.) Ɔhaw ahorow a ɔma nkorɔfo tse nka dɛ hɔn enyidado nyina asa no, ne nyina befi hɔ; ibi nye ohia, nsisi, yarba, na owu. Bible no ahyɛ bɔ dɛ, nyimpa botum dze enyigye atsena ase daa wɔ Paradise wɔ asaase do.
3. Ibesi dɛn enya awerɛhyɛmu dɛ enyidado a Bible no ka ho asɛm no bɛba mu ampa?
Nyimpa pii wɔ hɔ a, wɔrohwɛ kwan dɛ wobenya adze pa bi wɔ hɔn asetsena mu, naaso wonnyi awerɛhyɛmu biara dɛ hɔn akwanhwɛ no bɛba mu. Naaso bɔhyɛ ahorow a ɔwɔ Bible mu no dze, yebotum enya mu awerɛhyɛmu. Sɛ yebotum enya dɛm awerɛhyɛmu no a, gyedɛ ‘yɛhwehwɛ Kyerɛwnsɛm no mu yie.’ (Asomafo Ndwuma 17:11) Sɛ isua Bible no a, warankasa botum esi gyinae dɛ, dza Bible no ka fa daakye ho no, ebɛgye edzi anaa ennkɛgye edzi.
PƐNSAPƐNSA MU KƆ EKYIR
Ma yɛnhwɛ ndzɛmba ahorow a Bible ahyɛ ho bɔ dɛ yebenya daakye no bi. Afei, yɛbɛsan so ahwɛ mbrɛ enyidado a Bible dze ma hɛn no roboa nkorɔfo ndɛ.
4. Bible ahyɛ bɔ dɛ yebenya asetsena a odzi mu, na yaatsena ase daa
Hwɛ nsɛm a odzidzi do no, ɔyɛ bɔhyɛ ahorow a ɔwɔ Bible no mu. No mu dza ɔwɔ hen na w’enyi gye ho papaapa? Ebɛnadze ntsi na w’enyi gye ho dɛm?
Ma yɛnkenkan kyerɛwnsɛm ahorow a ɔhyehyɛ bɔhyɛ ahorow no ne nkyɛn no, na yensusu nsɛmbisa yi ho:
-
Etse nka dɛ kyerɛwnsɛm ahorow yi ma wo enyidado anaa? Ehwɛ a, obotum ama w’ebusuafo nye w’anyɛnkofo so enyidado a?
Twa ho mfonyin hwɛ dɛ etse wiadze bi mu a
|
OBIARA . . . |
OBIARA . . . |
|---|---|
|
|
|
|
|
|
|
|
|
|
5. Enyidado a Bible no dze ma no botum asesa w’asetsena
Sɛ nkorɔfo hu ɔhaw ahorow a woetwa hɔnho ehyia no a, otum bu hɔn abaw mu anaa mpo dɛ ɔhyɛ hɔn ebufuw. Binom robɔ hɔnho mbɔdzen biara dɛ wɔbɛma ndzɛmba ayɛ yie wɔ wiadze yi mu, naaso ɔnnyɛ yie. Ɔwodze, hwɛ mbrɛ Bible no bɔhyɛ a ɔnye dɛ ndzɛmba bɛyɛ yie wɔ wiadze yi mu no roboa nkorɔfo ndɛ. Ma yɛnhwɛ VIDEO no, na yensusu nsɛmbisa a odzidzi do no ho.
-
Aber a ehwɛɛ video no, ebɛn atsɛnkyew na ihun dɛ ɔrokɔ do a nna ɔhaw Rafika?
-
Ɔwɔ mu dɛ dɛm atsɛnkyew no ankasa emmfi hɔ dze, naaso ebɛn kwan do na Bible no boaa Rafika?
Enyidado a Bible ma yenya fa daakye ho no, obotum aboa hɛn ma yeegyina hɛn haw ahorow ano, na hɛn abaw mu so eemmbu. Ma yɛnkenkan Mbɛbusɛm 17:22 nye Romefo 12:12, na yensusu dɛm nsɛmbisa yi ho:
-
Enyidado ho asɛm a Bible ka kyerɛ hɛn no, ehwɛ a obotum asesa w’abrabɔ ndɛ ma ndzɛmba aakɔ yie ama wo anaa? Ebɛnadze ntsi na ereka dɛm?
BINOM KA DƐ: “Bɔhyɛ ahorow a ɔwɔ Bible mu no, yɛka ara kɛkɛ, na mbom ɔnnyɛ adze a obotum aba mu.”
-
Ehwɛ a, ebɛnadze ntsi na no ho hia dɛ warankasa hwehwɛ adanse ahorow a ɔkyerɛ dɛ ɔbɛba mu?
DZA ESUA
Bible no ahyɛ hɛn bɔ dɛ yebenya enyigye mapa daakye, na iyi ma yenya daakye ho enyidado a odzi mu, ntsi yetum dze enyigye gyina hɛn haw ahorow a yehyia no ano.
Mbobɔdo
-
Ebɛnadze ntsi na ohia dɛ nkorɔfo nya enyidado?
-
Ebɛn asɛm na Bible no ka fa daakye ho?
-
Sɛ inya daakye ho enyidado a odzi mu a, obesi dɛn aboa wo ndɛ?
HWEHWƐ PII KA HO
Hwɛ mbrɛ enyidado botum aboa wo ma eegyina wo haw ahorow ano.
Sɛ obi wɔ yarba koannkɔ mpo a, hwɛ mbrɛ enyidado botum aboa no.
“Sɛ Yarba Koannkɔ Bi Rehaw Wo A, Ana Bible No Botum Aboa Wo?” (Asɛm bi a ɔwɔ wɛbsaet do)
Aber a erohwɛ ndwom ho video no, twa ho mfonyin wɔ w’adwen mu dɛ enye w’ebusua tse Paradise a Bible no abɔ ho anohoba dɛ ɔbɛba daakye no mu.
Kenkan asɛm yi, na ibohu mbrɛ obi a nna ɔpɛ dɛ ɔsesa ndzɛmba wɔ wiadze yi mu no bosuaa enyidado a ɔwɔ Bible mu no ho adze ma ɔsesaa n’abrabɔ.
“Menntse Nka Bio Dɛ Ɔsɛ Dɛ Meyɛ Biribi Dze Sesa Wiadze Nsɛm Tsebea” (Ɔweɔn-Aban, July 1, 2013)
Bi A W'enyi Bɛgye Iyi So Ho
NSƐM A WƆTAA BISA
Ebɛnadze Nye Bible Adzesua A Jehovah Adasefo Nye Nkorɔfo Yɛ No?
Wɔ dɛm Bible adzesua a Jehovah Adasefo nye nkorɔfo yɛ yi mu no, ibotum dze Bible nkyerɛase biara a ewɔ no esũa adze. Ibotum afrɛ w’ebusuafo anaa w’anyɛnkofo binom mpo ma wɔaabɛka woho ma hom eesũa.
