Bible mu nsɛm a ɔbɔboa wo:

• Ge 24:​1-4, 7—Abraham hwehwɛɛ basia a ɔsom Jehovah maa ne ba Isaac

• Ge 28:​1-4—Isaac kaa kyerɛɛ ne ba Jacob dɛ mma ɔnnwar Canaannyi, mbom ɔnwar obi a ɔsom Jehovah

Bible mu nsɛm a ɔbɔboa wo:

• 1Ah 11:​1-6, 9-11—Jehovah bɔɔ Ɔhen Solomon kɔkɔ dɛ mma ɔnnwar mbaa ananaben, naaso oenntsie. Ekyir yi dɛm mbaa no daadaa no ma ɔkɔsoom abosom

• Ne 13:​23-27—Aber a Israelfo no warwaar mbaa ananaben no, Ambrado Nehemiah no bo fuuw paa, ntsi ɔtsea hɔn na ɔmaa wɔyɛɛ nsesa

Bible mu nsɛm a ɔbɔboa wo:

• 1Sa 25:​2, 3, 14-17—Nna Abigail no kun Nabal wɔ sika paa, naaso nna onnyi suban na ne tsirmu so yɛ dzen. Ntsi nna ɔnnyɛ kun pa

• Mbɛ 21:9—Sɛ yɛannhwehwɛ banyin anaa basia papa annwar no a, hɛn enyi renngye na hɛn asomu so ronndwe hɛn

• Ro 7:2—Ɔsomafo Paul kyerɛkyerɛɛ mu dɛ sɛ basia war a, no kun a bɔn wɔ no ho na ɔbɛkyerɛ no dza ɔsɛ dɛ ɔyɛ. Ntsi no ho hia paa dɛ basia bi dwen ho yie ansaana wɔapen do dɛ ɔbɔwar banyin bi

Bible mu asɛm a ɔbɔboa wo:

• Mbɛ 24:27—Ansaana banyin bi bɔwar na ɔawo no, ɔsɛ dɛ ɔyɛ edwumadzen mbrɛ ɔbɛyɛ a obotum ahwɛ n’ebusua

Bible mu nsɛm a ɔbɔboa wo:

• Ru 2:​4-7, 10-12—Boaz hun Ruth no suban fii mbrɛ osi yɛ edwuma, nsɛm a nkorɔfo kaa faa no ho, mbrɛ ɔnye n’ebusuafo dzi nye mbrɛ osi dɔ Jehovah no mu

• Ru 2:​8, 9, 20—Ruth hun Boaz no suban fii ayamuyie, papayɛ nye ɔdɔ a nna ɔwɔ ma Jehovah no mu

Bible mu nsɛm a ɔbɔboa wo:

• Mbɛ 5:​18, 19—Ndzɛmba bi wɔ hɔ a awarfo nkotsee na wobotum ayɛ dze akyerɛ dɛ wɔdɔ hɔnho

• Ndm 1:2; 2:6—Aber a Shulammite ababaa no nye oguanhwɛfo no yɛɛ nhyehyɛɛ dɛ wɔbɔwar no, wɔannkeka ndwamansɛm, mbom no wɔkaa nsɛm a no ho tsew dze kyerɛɛ dɛ wɔdɔ hɔnho

• Ndm 4:12; 8:​8-10—Shulammite ababaa no hyɛɛ no ho do. Nna ɔtse dɛ ture a wɔagye ho

Bible mu nsɛm a ɔbɔboa wo:

• Ge 21:​8-12—Jehovah kaa kyerɛɛ Abraham dɛ ontsie ne yer Sarah, ɔmmfa ho dɛ nna n’enyi nngye dza nna ne yer pɛ dɛ ɔyɛ ho no

• Mbɛ 31:​10, 11, 16, 28—Kun a n’adwen mu da hɔ na ne yer so bɔ noho mbɔdzen no nnhyɛ ne yer. Na dɛmara so na ɔnnhwehwɛ mfomdo wɔ noho, mbom ɔgye no dzi na ɔkamfo no

• Eph 5:33—Ɔsomafo Paul kaa dɛ ohia paa dɛ ɔyer bohu dɛ no kun dɔ no

Bible mu nsɛm a ɔbɔboa wo:

• Mbɛ 1:8; 1Co 7:4—Nyankopɔn ama yernom na nanom so tum kakra wɔ awar anaa ebusua no mu

• 1Co 11:3—Ɔsomafo Paul kaa dɛ wɔ Jehovah ne nhyehyɛɛ mu no, sɛ woyi Adze Nyina Do Tumfo Nyankopɔn no fi hɔ a obiara hyɛ tsiryɛ bi ase

• Heb 13:​7, 17—Ɔsɛ dɛ mbanyin na mbaa nyina brɛ hɔnho adze hyɛ hɔn a woeyi hɔn dɛ wondzi ndzɛmba enyim wɔ asafo no mu no ase na wotsie hɔn

Bible mu nsɛm a ɔbɔboa wo:

• Ge 18:12; 1Pe 3:​5, 6—Nna Sarah wɔ obu kɛse ma Abraham na ɔfrɛɛ no mo “wura”

 Bible mu nsɛm a ɔbɔboa wo:

• Ge 24:​62-67—Aber a Isaac ne maame wui no, Rebekah kyekyeer no werɛ

• 1Sa 25:​14-24, 32-38—Abigail bɔɔ no kun gyimfo no ho ban na ɔgyee ne fiefo nkwa. Ɔyɛɛ iyi aber a ofi ahobrɛadze mu serɛɛ David dɛ onhu hɔn mbɔbɔr no

• Es 4:​6-17; 5:​1-8; 7:​1-6; 8:​3-6—Ɔmmfa ho dɛ nna Ɔhembaa Esther no kun nntoo nsa mfrɛɛ no no, ɔdze no nkwa too esian mu mpɛn ebien kɔr n’enyim. Ɔkɛserɛɛ no dɛ ɔmbɔ ɔno na Nyankopɔn nkorɔfo ho ban