Bible mu nsɛm a ɔbɔboa wo:

• Lu 20:​37, 38—Jesus maa yehun dɛ owusoɛr no bɛba ampa, na wɔ Nyankopɔn n’enyi do mpo no, ɔtse dɛ mbrɛ ewufo tse ase

• Joh 11:​5, 6, 11-14—Jesus dze owu totoo nda ho aber a ne nyɛnko Lazarus wui no

• Heb 2:​14, 15—Ɔsomafo Paul kyerɛkyerɛɛ mu dɛ ɔnnsɛ dɛ yɛma owu ho suro dze hɛn yɛ nkowaa

Bible mu nsɛm a ɔbɔboa wo:

• Bible no ka nyimpa baakron bi a wonyaan hɔn no ho asɛm. Hɔn mu baawɔtwe bɛtsenaa asaase do, na kor so kɛtsenaa sor. Sɛ obi no dɔfo bi ewu a, Kyerɛwnsɛm a odzidzi do yi botum akyekye no werɛ na wɔaama no enyidado

  • 1Ah 17:​17-24—Nkɔnhyɛnyi Elijah nyaan kunafo bi a ofi Zarephath ne ba wɔ kurow bi a wɔfrɛ no Sidon mu

  • 2Ah 4:​32-37—Nkɔnhyɛnyi Elisha nyaan banyimba bi wɔ kurow bi a wɔfrɛ no Shunem mu na ɔdze no maa n’awofo

  • 2Ah 13:​20, 21—Banyin bi a nna oewu no no fun kɛkaa nkɔnhyɛnyi Elisha ne mbiew ma onyanee

  • Lu 7:​11-15—Jesus hyiaa nyimpadɔm bi wɔ kurow bi a wɔfrɛ no Nain mu. Nna worikesie ɔbaa kunafo bi ne babanyin. Ɔmaa wogyinae na onyaan aberantsɛ no

  • Lu 8:​41, 42, 49-56—Jesus nyaan Jairus a nna ɔyɛ nhyiamudan mu panyin ne babaa

  • Joh 11:​38-44—Jesus nyaan Lazarus a nna ɔyɛ ne nyɛnko berɛbo no, na ɔdze no maa no nuanom mbaa Martha na Mary

  • Adw 9:​36-42—Nna Dorcas yɛ Christiannyi ɔbaa bi a ne yamu ye. Na aber a owui no, ɔsomafo Peter nyaan no

  • Adw 20:​7-12—Aberantsɛ bi a wɔfrɛ no Eutychus fi ntokura bi mu bɔhwee famu ma owui no, ɔsomafo Paul nyaan no

• Jehovah nyaan Jesus Christ kɔr sor dɛ sunsum abɔdze a orunnwu da, na iyi ama yeenya enyidado dɛ daakye Jehovah no bɔhyɛ nyina bɛba mu

  • Adw 17:31; 1Pe 3:18

• Jesus nye obi a odzi kan a wɔmaa no bɛkyebo nkwa. Naaso nnyɛ ɔno nye obi a otwa tun a obenya nkwa a ɔtse dɛm. N’ekyirdzifo a wɔasera hɔn no so benya owusoɛr a ɔtse dɛmara

  • 1Co 15:​20, 23, 51-53; 1Th 4:​16, 17; Ny 14:1