Mbofra; Mbabun
Mbrɛ Nyankopɔn hu mbofra
Ebɛn kwan do na Jehovah da no edzi dɛ mbofra som bo ma no?
De 6:6, 7; 14:28, 29; Nd 110:3; 127:3-5; 128:3, 4; Jas 1:27
Hwɛ Job 29:12; Nd 27:10; Mbɛ 17:6 so
Hwɛ “Ebusua” so
-
Bible mu nsɛm a ɔbɔboa wo:
-
Ge 1:27, 28—Adze kor a nna ohia Jehovah paa nye dɛ nyimpa bɔwo ahyɛ asaase do ma ama ne tsirmpɔw aaba mu
-
Ge 9:1—Nsuyirii no ekyir no, Nyankopɔn hyɛɛ Noah na ne mba no dɛ wɔnwo nhyɛ asaase do ma
-
Ge 33:5—Nna egyapanyin Jacob hu ne mba no dɛ wɔyɛ akyɛdze a ofi Nyankopɔn hɔ
-
Mr 10:13-16—Nna Jesus na n’Egya nyina dɔ mbofra
-
Jehovah bu hɔn a wosisi mbofra no dɛn?
Ex 22:22-24; De 10:17, 18; Nd 10:14, 15
Ebɛn Bible mu asɛm na ɔma yehu dɛ ɔnnsɛ dɛ yɛhwɛ kwan dɛ mbofra bɛyɛ hɔn adze dɛ mpanyimfo?
Nk 1:3; 1Co 13:11
-
Bible mu asɛm a ɔbɔboa wo:
-
Ge 33:12-14—Jacob nantseew bɔkɔɔ osiandɛ nna onyim dɛ ne mba no susuar na worunntum nnantsew ntsɛntsɛm dɛ ɔno
-
Aso Nyankopɔn na ɔma mbofra fa yaw na atseetsee mu?
Job 34:10; Jas 1:13; 1Jo 5:19
-
Bible mu nsɛm a ɔbɔboa wo:
-
Lu 5:18, 20, 23-25—Jesus ka dɛ bɔn na akɛfa yarba aba
-
Ro 5:12—Ɔsomafo Paul ma yehu dza akɛfa bɔn na owu aba
-
Mpanyimfo na mbofra a wɔretseetsee no, ebɛn awerɛhyɛmu na Jehovah dze ma hɔn?
Isa 11:6-9; Joh 3:16; Adw 24:15; Ny 21:4
Sɛ abofra bi n’awofo annyɛ nhwɛdo pa anaa wɔtseetsee no a, ɔkyerɛ dɛ mfaso biara nnyi no do anaa ɔbɛyɛ dza n’awofo yɛe no bi anaa?
De 24:16; Eze 18:1-3, 14-18
Hwɛ De 30:15, 16 so
-
Bible mu nsɛm a ɔbɔboa wo:
-
2Ah 18:1-7; 2Mb 28:1-4—Nna Hezekiah ne papa ne tsir mu yɛ dzen, okunkum nankasa ne mba mpo. Naaso Hezekiah dze ɔannyɛ n’adze dɛm mbom no, odzii Jehovah nokwar
-
2Ah 21:19-26; 22:1, 2—Nna Josiah ne papa Amon ne tsir mu yɛ dzen paa, naaso Josiah ɔannyɛ n’adze tse dɛ ne papa
-
1Co 10:11, 12—Ɔsomafo Paul maa yehun dɛ yebotum esua biribi efi mfom a afofor dzi no mu na yaannyɛ bi
-
Php 2:12, 13—Ɔsomafo Paul maa yehun dɛ ɔsɛ dɛ hɛn ara na yɛyɛ hɛn nkwagye ho edwuma
-
Asodzi a ɔda mbofra na mbabun do
Mbofra a wɔda ho nye hɔn awofo a wɔyɛ Christianfo tse no, Jehovah bu hɔn dɛn?
1Co 7:14
-
Bible mu asɛm a ɔbɔboa wo:
-
Ge 19:12, 15—Abɔfo bɔɔ Lot ne mbabaa no ho ban osiandɛ nna Lot yɛ ɔtseneneenyi
-
Sɛ awofo bi som Nyankopɔn a, ɔno kyerɛ dɛ mbrɛ ɔtse biara hɔn mba so bɔsom Nyankopɔn anaa?
Mbɛ 20:11; Eze 18:5, 10-13
-
Bible mu nsɛm a ɔbɔboa wo:
-
Le 10:1-3, 8, 9—Obotum aba dɛ wokunkum Ɔsɔfopanyin Aaron ne mba no osiandɛ nna wɔabow
-
1Sa 8:1-5—Ɔmmfa ho dɛ nna nkɔnhyɛnyi Samuel yɛ ɔtseneneenyi no, ne mba no ammbɔ bra pa
-
Sɛ abofra bi pɛ dɛ ɔsɔ Nyankopɔn n’enyi a, ebɛnadze na ɔsɛ dɛ ɔyɛ?
Mbɛ 1:8; 27:11; Eph 6:1-3
Ebɛnadze ntsi na ɔsɛ dɛ mbofra kɔ asafo nhyiamu?
De 31:12, 13; Heb 10:24, 25
-
Bible mu asɛm a ɔbɔboa wo:
-
Mt 15:32-38—Hɔn a Jesus kyerɛkyerɛɛ hɔn no, nna mbofra ka ho
-
Ebɛnadze ntsi na ɔyɛ papa dɛ mbofra som Nyankopɔn?
Nd 8:2; 148:12, 13
-
Bible mu nsɛm a ɔbɔboa wo:
-
1Sa 17:4, 8-10, 41, 42, 45-51—Aber a David yɛ aberantsɛ no, Jehovah nam no do kum ɔbran bi dze tseew ne dzin ho
-
2Ah 5:1-15—Jehovah nam Israelnyi basiaba bi do boaa safohen bi a ɔnnyɛ Israelnyi ma obohun no
-
Mt 21:15, 16—Jesus kamfoo mbofra bi dɛ wɔdaa obu soronko edzi kyerɛɛ no
-
Nyankopɔn hu mbofra a hɔn awofo nnyɛ Jehovah Adasefo no dɛn?
-
Bible mu nsɛm a ɔbɔboa wo:
-
Nk 16:25, 26, 32, 33—Mbarimba bi soɛree tsiaa nkɔnhyɛnyi Moses na Ɔsɔfopanyin Aaron. Iyi ntsi, Jehovah twee hɔn aso na bi so kaa hɔn mbusua
-
Nk 26:10, 11—Korah tseew etua ntsi wokum no. Naaso ne mba no dze wodzii Jehovah nokwar ntsi wonyaa nkwa
-
Ebɛnadze ntsi na ɔsɛ dɛ mbofra na mbabun hwɛ hɔn anyɛnkofa yie?
Mbɛ 13:20; 1Co 15:33
Hwɛ 2Ti 3:1-5 so
Woananom na mbabun a wɔyɛ Christianfo botum afa hɔn nyɛnko?
2Ti 2:22
Hwɛ “Fɛkuwbɔ” so
Bi A W'enyi Bɛgye Iyi So Ho
BIBLE NKYERƐKYERƐ
Dwumadzi Ma Mbofra
Fa dɛm dwumadzi a ɔyɛ enyigye a ofi Bible mu no kyerɛkyerɛ wo mba ma wonnya suban pa.
BIBLE NKYERƐKYERƐ
Dza Ɔbɔboa Mbabun
Hwehwɛ mbrɛ Bible no besi aboa mbabun ma woeegyina ɔhaw ahorow a wohyia no ano.
HƐNHO NSƐM
Ma Obi Nye Wo Nsua Bible
Ma wɔnye wo mbɔ Bible mu asɛmbisa bi a ɔkyer w’adwen no ho nkɔmbɔ, anaa sua Jehovah Adasefo ho nsɛm pii.
